С.Ням-Очир зодог тайлахаар боллоо

2017/01/16
Share |
Хүмүүс:
С.Ням-Очир зодог тайлахаар боллоо

Түүний зодог тайлах ёслол улсын аварга шалгаруулах тэмцээний үеэр буюу маргааш /2017.01.17/ 14:00 цагаас болох нээлтийн арга хэмжээний дараа болох ажээ-

Олимп, дэлхийн аварга шалгаруулах тэмцээний хүрэл медальт, Монгол Улсын Гавьяат тамирчин Сайнжаргалын Ням-Очирын их спортоо орхих шийдвэр гаргажээ. Түүний зодог тайлах ёслол улсын аварга шалгаруулах тэмцээний үеэр буюу маргааш /2017.01.17/ 14:00 цагаас болох нээлтийн арга хэмжээний дараа болох ажээ.

Жүдо бөхийн насанд хүрэгчдийн улсын аварга шалгаруулах тэмцээн өнөөдөр Спортын төв ордны А зааланд эхэлнэ. Эрэгтэйчүүдийн 40, эмэгтэйчүүдийн 25, багийн 5 дахь удаагийн улсын аварга шалгаруулах тэмцээн гурван өдөр үргэлжилнэ.

Улсын аварга шалгаруулах тэмцээний жин тус бүрт тэргүүлсэн болон медальт байр эзэлсэн тамирчдыг тивийн аварга шалгаруулах тэмцээн, Олон улсын жүдо бөхийн холбооноос зохион байгуулдаг дэлхийн чансааны оноо олгох тэмцээнд оролцуулах, багийн төрлөөр тив, дэлхийн аварга шалгаруулах тэмцээнд оролцох багийг шалгаруулах, Үндэсний шигшээ багт нэр дэвшүүлэх зэрэг болзлыг Монголын жүдо бөхийн холбоо тавьжээ.

Өөр нэг онцлог нь жүдогийн шинэ дүрмийн сургалт удирдахаар Монголд ирсэн Олон улсын жүдо бөхийн холбоо буюу IJF-ийн шүүгч, Олимпийн зэрэглэлийн шүүгч Владимир Хнедка /Чех/, олимпийн зэрэглэлийн шүүгч Владимир Востриков /ОХУ/ нар улсын аварга шалгаруулах тэмцээнд шүүгчээр ажиллана.

ТЭМЦЭЭНИЙ ХУВААРЬ:

Нэгдүгээр сарын 16. Даваа гариг

  • Эрэгтэй: -60 кг, -66 кг, -73 кг

  • Эмэгтэй: -48 кг, -52 кг, -57 кг, -63 кг

Нэгдүгээр сарын 17. Мягмар гариг

  • Эрэгтэй: -81 кг, -90 кг, -100 кг, +100 кг

  • Эмэгтэй: -70 кг, -78 кг, +78 кг

Нэгдүгээр сарын 18. Лхагва гариг

Багийн Улсын аварга:

  • Эрэгтэй: -81 кг, -90 кг, -100 кг, +100 кг

  • Эмэгтэй: -70 кг, -78 кг, +78 кг

Тэмцээнүүд өдөр бүр дараах хуваарийн дагуу үргэлжилнэ.

  • 09:00-15:00 цаг: Хасагдах шатны барилдаан

  • 15:00-16:00 цаг: Хагас шигшээ барилдаан

  • 16:00-18:00 цаг: Шигшээ барилдаан

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.