Д.Дагвадорж Гадаад харилцааны яамныхныг сандаргав

2017/01/23
Share |
Хүмүүс:
Д.Дагвадорж Гадаад харилцааны яамныхныг сандаргав

Их аварга Д.Дагвадорж өөрийн твирттер хуудаснаа "Нэгдүгээр сарын 5-наас эхлэн Хятад ирэх Монголд 30 хоног визгүй зорчих болсон байна. Шоконд оруулсан мэдээ" хэмээн дуулиан дэгдээсэн. Үүнийг зарим нэг мэдээллийн хэрэгсэл мэдээ болгон мэдээлэв. 


Энэхүү мэдээлэл цахим ертөнцөд тархаж эхлэхэд Гадаад харилцааны сайд Ц.Мөнх-Оргил "Ор үндэсгүй худлаа мэдээлэл тархаж байгаад харамсаж байна. Хятад иргэд одоог хүртэл визтэй зорчсоор байгаа. Удахгүй Гадаад харилцааны яамны цахим хуудаснаа мэдэгдэл нийтлэгдэнэ" хэмээн няцаалт өгсөн юм. Ингээд удалгүй “Олон нийтийн сүлжээгээр БНХАУ-ын иргэд Монгол Улсад 30 хүртэл хоног визгүй зорчино гэсэн мэдээлэл гарч байгаа нь ташаа мэдээлэл болохыг Гадаад харилцааны яам хариуцлагатайгаар мэдэгдэж байна. Гадаад улсын иргэдийг Монгол Улсын визээс чөлөөлөх асуудлыг Засгийн газрын хуралдаанаар шийдвэрлэдэг бөгөөд хятад иргэдийг визгүй зорчуулах талаар Засгийн газраас ямар нэг шийдвэр гараагүй болно. Хоёр улсын иргэд харилцан зорчих асуудлыг Иргэд харилцан зорчих нөхцөлийн тухай Монгол, Хятадын хооронд 1989 онд байгуулсан хэлэлцээрийн дагуу зохицуулдаг бөгөөд энгийн паспорттай хятад иргэд Монгол Улсын виз авах шаардлага хэвээр мөрдөгдөж байна. Сүүлийн үед зарим хувь хүмүүс олон нийтийн сүлжээг ашиглан гадаад бодлого, хоёр улсын харилцаатай холбоотой асуудлаар хариуцлагагүй, худал мэдээлэл түгээж, улмаар ард иргэдийг бухимдуулах, хоёр улсын харилцаанд сэв суулгаж болзошгүй мэдэгдэл хийж байгаа тул иргэд та бүхэн эдгээр мэдээллийг сайтар нягталж, зөвхөн албан ёсны эх сурвалжийн мэдээлэлтэй танилцаж байхыг хүсье” гэсэн мэдэгдэл нийтлэгдсэн юм. 

Үүний дараа Их аварга Д.Дагвадорж өөрийн бичсэн постоо устгасан юм.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.