Эхнэрээ мөчилж алсан Бразил хөлбөмбөгчин суллагдлаа

2017/03/07
Share |
Хүмүүс:
Эхнэрээ мөчилж алсан Бразил хөлбөмбөгчин суллагдлаа

Бразилын Фламенго клубт хүчин зүтгэдэг байсан. 32 настай Бразил хаалгач Бруно Фернандо Соуза долоон жилийн дараа шоронгоос суллагдлаа. Одоогоос долоон жилийн өмнө буюу 2010 онд Бразил хаалгач хардалтаас болж жирэмсэн эхнэрээ мөчлөн хөнөөж цогцсыг нь өөрийн тэжээдэг “Ротвейлер” үүлдрийн нохойд хаяж өгөн идүүлсэн хэрэгт холбогдож байсан юм. Шүүх хурлын үеэр өөрөө хэргээ хүлээж 22 жилийн ял шүүхээс сонсож байлаа. Улмаар түүний 22 жил гурван сарын ял нь, долоон жил болж торны цаана долоон жилийг өнгөрөөснөөр ийнхүү энгийн амьдралд гарч ирлээ.


Тухайн үед хэргийн газарт түүний эхнэрийн биеийг ноход идэн, хөл болон зарим нэг эд зүйлс нь үлдсэн байдалтай байжээ. Бразил хөлбөмбөгчин маань 2009 оны таван сард Реал Мадридын К.Роналдотой уулзахдаа эхнэрээ жирэмсэн удахгүй төрөх тухай хэлж байсан байна. Тэгвэл саяхан суллагдсан хаалгач эр дахин хөлбөмбөг тоглох хүсэлтэй байгаагаа илэрхийлсэн нь олон нийтийн дургүйцлийг хүргэж байгаа ч Бразил болон өөр улсуудын зарим нэг багаас санал ирээд байгаа тухай түүний агент хэлжээ. Одоогоор тэдгээр хөлбөмбөгийн багуудын нэрсийг хэлэх боломжгүй бөгөөд хэл амнаас зайлсхийж байгаагаа хэлсэн байна. Ямартай ч жирэмсэн эхнэрээ хөнөөж торны цаана багагүй хугацааг үдсэн хаалгачийг удахгүй ногоон талбайд харж магадгүй байна.

 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.