Гоц авьяастан Л.Өнөрчимэг: Би олон жил хүний нууц амраг явлаа...

2017/05/03
Share |
Хүмүүс:
Гоц авьяастан Л.Өнөрчимэг: Би олон жил хүний нууц амраг явлаа...

Дөрвөн мөчөөрөө зэрэг зурж, усан дотор хүртэл уран бүтээлээ туурвидаг гоц авьяастан Л.Өнөрчимэг нэгэнтээ “Намайг ихэнх хүмүүс мэдрэл муутай гэдэг юм билээ. Гэхдээ тийм байж л жинхэнэ уран бүтээл төрнө шүү дээ” хэмээн ярьсан байдаг. Залуу сайхан цагтаа хань ижлээ зуурдаар алдаж, ганц хүүгээ гэдсэнд байхад нь бэлэвсэрч хоцорсон зураач эмэгтэй маань өдийг хүртэл өөр амьдрал зохиогоогүй яваа гэдэг нь үнэн.

Тиймдээ ч өнгөрсөн хугацаанд ижил хүйстэн хэмээн адлуулж, элдэв хүнтэй нэр холбогдсон тэрбээр хамгийн сүүлд хэвлэлийнхэнтэй уулзахдаа “Би олон жил хүний нууц амраг явлаа. Хэн нэгний хайр халамжийг үгүйлэн, хайртай хүнийхээ хувьд хоёрдогч байна гэдэг үнэхээр хэцүү. Гэвч амьдрал намайг ийм л сонголт хийхэд хүргэсэн” гэж нууцаа дэлгэсэн. Ямар сайндаа л, хүүтэйгээ чацуу шахам нэгэн дуучин залуутай нэр холбогдсондоо ихэд бухимдаж суусан Л.Өнөрчимэг нэлээдгүй хугацаанд Хонг-Конгт ажиллахаар одсон удаатай.

Эх орондоо ирээд өөрийн мэддэг, чаддаг бүхнээ залуу үеийнхэндээ зааж сургахаар шийдэн “Unuruu art” нэртэй сургалтын төв нээсэн ч нэг их удалгүй хаалгаа барьсан гэдэг. Учрыг сонсвол, зураач эмэгтэйн урьсан найз нөхөд нээлтийн арга хэмжээнд нь ирээгүй бөгөөд сурах хүсэлтэй хүүхэд залуус ч олдоогүй гэнэ лээ. Сүүлийн үед өөрийнхөө уран бүтээлд анхаарч, цөөн хэдэн шавь нартаа сурсан мэдсэнээ өвлүүлэхээр зүтгэж буй Л.Өнөрчимэг олны хэл амнаас холхон амьдарч суугаа сурагтай.

С.Бамбар





Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.