С.Гантогоо: Солонгосын мисс байсан ч хамаагүй, би Монгол бүсгүйг сонгоно

2017/06/14
Share |
Хүмүүс:
С.Гантогоо: Солонгосын мисс байсан ч хамаагүй, би Монгол бүсгүйг сонгоно

“Яг түүн шиг” шоугаар овоглон монголын рок попын ертөнцөд дахин эргэж ирээд байгаа дуучин С.Гантогоог одоо мэдэхгүй хүн ховор болж. Дахин гэдгийн учир нь, тэрбээр 2005 онд “Аригу” студиэс зохион байгуулсан “Оддын эрэлд-2” шоуны шилдэг оролцогчоор тодорч явсан авьяаслаг залуу. Солонгост арван жил ажиллаж амьдарсан түүний хувьд бага зэрэг аялгатай ярьдаг ч, эх орноо гэсэн сэтгэл зүрхэнд нь ямар ч аялга ороогүй гэдгийг бардам хэллээ. Түүгээр ч барахгүй, Солонгос дахь хамтлагийнхаа гэрээг жилээр хойшлуулж элэг нэгтнүүддээ зориулсан шилдэг уран бүтээл гаргахаа амлаад байгаа.

Хүсэл зорилгынхоо төлөө тууштай тэмцэхийг зарчим болгосон дуучин С.Гантогоо өдийг хүртэл гэр бүлийн амьдрал зохиогоогүй яваа нь үнэн. Гэвч урлагийн хүний илэн далангүй зан, ганц бие амьдралыг нь бэлгийн чиг хандлагатай холбож ярихыг тэрбээр хүссэнгүй. Тиймдээ ч телевизийн нэвтрүүлэгт оролцох үедээ “Би ижил хүйстэн биш ээ. Гэрийнхэн маань хүртэл намайг “Эхнэр авч, амьдрал зохиогооч” гэж ятгадаг. Гэхдээ миний хувьд, хөгширсөн хойноо харамсаж суухгүйн тулд залуу насандаа хүсч зорьсон бүхэндээ зүтгээд үзэхийг хичээж байна.

Тиймээс би ямар ч үед, ямар ч нөхцөлд хөдөлмөрлөнө. Мэдээж, эр хүн л болсон хойно сайхан бүсгүй харах дуртай. Хамгийн гол нь, гоё сайхан байхаас гадна хошин шогийн мэдрэмжтэй, даруухан зантай бүсгүйчүүд таалагддаг. Хэдийгээр би гадаадад амьдарч байгаа ч гэсэн, гэр бүлийн амьдрал зохиовол Монгол бүсгүйгээ л сонгоно. Солонгосын ямар ч сайхан бүсгүй, бүр мисс байсан ч хамаагүй ээ” хэмээн ярьж, сонсогч фэнүүдээ баярлуулаад авлаа.

С.Бамбар









Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.