М.Сарнай “өргөмөл” хүүхдүүдээ булаалгаж, Ц.Сувд-Эрдэнэд нулимстай үгс чулуудав

2017/08/07
Share |
Хүмүүс:
М.Сарнай “өргөмөл” хүүхдүүдээ булаалгаж, Ц.Сувд-Эрдэнэд нулимстай үгс чулуудав

Олон хүний итгэл сэтгэлийг эвдэж, хандивын мөнгөнөөс болж хоорондоо муудалцаад байгаа “Итгэл сэтгэлийн гүүр” сангийн тэргүүн Ц.Сувд-Эрдэнэ, хүний өөрийн нийлсэн 31 хүүхдийг харж ханддаг М.Сарнай нарын тэмцэл бүр эцэстээ тулах нь. Цахим орчинд бие биенийхээ талаар  элдэв таагүй мэдээлэл цацаж, олныг алмайруулж орхисон тэдний хэрүүл уруулын харгайгаар эцэг эх нь архинд донтох өвчтэй, хогийн цэг дээр амьдардаг хэцүүхэн гэр бүлийн өч төчнөөн хүүхэд гудамжинд гарах дээрээ тулжээ.

Учир нь, өнгөрөгч амралтын өдрүүдэд М.Сарнайгийнд өсч бойжиж байсан 10 сартай хүүхдийг эх нь гэх халамцуу эмэгтэй, Хүүхэд гэр бүл хөгжлийн төвийн ажилтан гэх залуугийн хамтаар хүчээр шахуу авч явсан байна. Түүгээр ч зогсохгүй, маргааш өдөр нь М.Сарнайгийн гэрт очиж хоёр хүүхдээ ч мөн чирч гулдарсаар авч явж буй бичлэгүүд цахим ертөнцөд ёстой л шуугиан тариад амжлаа. М.Сарнай цагдаагийн хэлтсийн үүдэнд нулимс дуслуулан байж хүүхдүүдээ үдэхдээ Ц.Сувд-Эрдэнэ гэх мөнөөх хамтрагчдаа гомдлын үгс харамгүй чулуудна лээ.

“Сарнай” хүүхдийн төвийг босгох хандивын дансанд орж ирсэн мөнгөнөөс болоод муудалцаж, өдийг хүртэл бие биенээсээ дансны хуулга нэхэлцэж буй тэдний золиосонд гэдэс цатгалан, сэтгэл амар амьдарч суусан хөөрхий бяцхан жаалууд хохирч үлдэх нь тэр. Эцэг эх нь архины хамааралтай, идэх ч хоолгүй шахуу амьдардаг гэр орондоо очихыг хүсэхгүй байгаагаа жаалууд нулимс дуслуулан хэлэх бөгөөд М.Сарнай ч энэхүү бичлэгүүдэд “Сувд-Эрдэнэ ээ, чиний сэтгэл амрав уу. Чи өөрөө гурван охинтой хүн байж яасан хатуу сэтгэл гаргана вэ. Энэ хүүхдүүд одоо архи тамхи, гэр бүлийн хүчирхийлэл дунд ахиад л очих нь” хэмээн тун ч их гомдолтойгоор хэлжээ.

С.Бамбар






Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.