Жоли, Питт нар салах үйл явцаа зогсоожээ

2017/08/10
Share |
Хүмүүс:
Жоли, Питт нар салах үйл явцаа зогсоожээ

Холливудын сайхан хосуудын нэг, өнөр өтгөн гэр бүлийн аав, ээж Жоли, Питт нарын салалт олны анхаарлыг татсан. Тэд бараг жилийн өмнө буюу 2016 оны есдүгээр сард гэрлэлтээ цуцлуулах өргөдлөө өгч, олон шүтэн бишрэгч нь гонсойсон билээ. Салах өргөдлийг Анжелина Жоли өгчээ. Учир нь Брэд Питт архинд донтон хүүхдүүдтэйгээ сайхан харилцахаа больсон аж. Жоли нэг удаа Брэд хүүхдүүдтэйгээ хатуу харьцдаг талаар ярьсан байдаг. Тэгвэл удаан хугацаанд үргэлжилж байгаа тэдний салалтын үйл явц зогссон байна. Тэд эргэн нийлэх талаар бодож байгаа учир салах үйл явцаа зогсоосон гэж Брэдийн найзууд нь ярьжээ. Учир нь жүжигчин архинаас хамаарах өвчнөө эмчлүүлж, өөрийгөө огт өөрөөр авч явах болсон байна. Тэрбээр хүүхдүүдтэйгээ уулзахыг хүсч Жолид хандах болжээ. Саяхан тэрбээр Их Британид хүүхдүүдтэйгээ байсан Жоли дээр очиж түүнийг байлцуулан хүүхдүүдтэйгээ уулзахыг хүссэн талаар хэвлэлүүд мэдээлж байсан.

Жоли ч бас нөхрөө архинаас гарч, хэвэндээ орсон бол эргэн нийлэхэд дургүйцэх зүйлгүй байгаагаа ярьжээ. Жүжигчин саяхан салалтынхаа талаар анх удаагаа хэвлэлд ам нээсэн билээ. Тэрбээр “Glamour” сэтгүүлд хүүхдүүдэд нь салалт хүндээр тусч, өөрөө ч амьдралын баяр баясгалангаа гээсэн байснаа ярьсан юм. Одоо тэрбээр сайн ээж байхыг л хүсч, хүүхдүүддээ анхааран жүжигчний ажлаасаа түр хөндийрнө гэсэн билээ. Түүнчлэн Жоли долоо дахь хүүхдийнхээ ээж болохоор тээгч эхэд хандсан талаар гадны хэвлэлүүд мэдээлж буй. Тэрбээр долоон хүүхэдтэй болохыг хүсч, дахин хүүхэд үрчилж авах гэснийг Брэд эсэргүүцсэн нь салалтын бас нэгэн шалтгаан болжээ.

Брэд, Анжелина нар төрүүлсэн Шайло (11 настай), Нокс (9), Вивьен (9) болон үрчилж авсан Мэддокс (16), Захара (12), Пакс Тьен (13 настай) гэх зургаан хүүхэдтэй билээ.

О.Саша

Танд манай нийтлэл таалагдаж байвал LIKE дараарай!
Сэтгэгдэл
sanaa Yagaad zosoochih boo?Buur zogsoosono uu,tur uu?
IP:76.94.73.54  2017-08-11 00:38:17
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.