Узбекистаны Ерөнхийлөгчийн охиныг нохойноос дор хорьж байна уу

2017/08/11
Share |
Хүмүүс:
Узбекистаны Ерөнхийлөгчийн охиныг нохойноос дор хорьж байна уу

Узбекистаны анхны Ерөнхийлөгчийн охин Гульнара Каримова гэмт хэргийн бүлэглэлтэй холбоотой байсан нь тогтоогдсон билээ. Түүнийг гэмт хэргийн бүлэглэлийг үүсгэн байгуулсан гэж ч буруутгаж байгаа аж. Гэвч Узбекистаны Засгийн газар Гульнара Каримовагийн хэргийг удаан хугацаанд нуусан байна. Харин саяхан хэвлэлүүд энэ талаар ил болгосон юм. “ИА REGNUM”-д мэдээлснээр, тус улсын Прокурорын Ерөнхий газрын гэмт хэрэг, авлигатай тэмцэх алба Гульнара Каримовад үүсгэсэн эрүүгийн хэргийн талаар мэдээлжээ.

Ерөнхийлөгч агсан Ислам Каримовын охин Гульнара 2015 оны наймдугаар сард таван жилээр эрх чөлөөгөө хасуулах ялаар шийтгэгджээ. Одоо түүнд хамаарах бас нэгэн хэргийн мөрдлөг явагдаж байгаа гэнэ. 2014 онд Гульнара Каримовагийн хүү ээжийг нь Ташкентад нохойноос ч дор газар хорьж байгаа талаар мэдээлж байсан аж. Тэрбээр өвөөгийнхөө дэглэмийн эсрэг тэмцэнэ гэж байжээ.

Түүнчлэн өнгөрсөн жил Гульнараг Ташкентын нэгэн оршуулгын газар нууцаар оршуулсан байсан гэсэн мэдээлэл гарч шуугиан тарьсан билээ. Үүний дараа хилийн чанадад амьдарч байсан хүү нь хэвлэл мэдээллийнхэнд захидал бичсэн байна. Тэрбээр ээж нь Ташкентад дүүтэй нь хамт энх тунх, сайн байгааг бичжээ. “Манай ээжийг үхсэн гэж дэлхий даяар мэдээлж байна. Иймээс би та бүхэнд хандан захидал бичлээ. Түүнийг сэтгэл мэдрэлийн эмнэлэгт аваачсан гэдэг нь ч худал мэдээлэл. Ээж хилийн чанад руу зугтсан зүйл ч байхгүй” гэж Узбекистаны Ерөнхийлөгчийн зээ хүү бичиж байжээ.

О.Саша

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.