Хотын даргын хоншоорыг харъя

2017/09/12
Share |
Хүмүүс:
Хотын даргын хоншоорыг харъя

Утаа униар, замын түгжрэл гээд Улаанбаатарын асуудал ундарсаар. Ундарсан энэ асуудлуудыг  шийдэхийн тулд үе, үеийн хотын мэрүүд өөр, өөрийн гаргалгааг гаргадаг. Тухайлбал, Улаанбаатар хотыг Улсын баатар удирдаж байхдаа замын түгжрэлийг бууруулахын тулд автомашины дугаарын сүүлийн орноор нь ангилж хөдөлгөөнд оролцуулдаг жишгийг тогтоосон. Ингэснээр автозамын түгжрэл 20 хувиар буурсан гэж мэргэжилтнүүд хэлж байна. Тэгвэл Су даргын үед  юү хийхээр төлөвлөснийг хамтдаа сонирхоё. Нийслэлийн автозамын түгжрэлийг бууруулахын тулд энэ сардаа багтаан Чингисийн өргөн чөлөө, Энхтайваны өргөн чөлөөний замд өргөтгөл хийхээр төлөвлөжээ. Хамгийн түрүүн Зүүн дөрвөн замын буцаж эргэдэг эгнээг өргөтгөх юм байна. Дараа нь Дөлгөөн нуурын уулзвар, гуравдугаар сургуулийн уулзварт эгнээний өргөтгөл хийхийг С.Батболд дарга үүрэг болгожээ.

Түүнчлэн:

  • Улаанбаатар дахь хүргэлт, түгээлтийн цагийн хуваарийг хөдөлгөөнд ачаалал үүсгэхгүй байхаар өөрчлөх,
  • Нийслэлийн төр, захиргааны байгууллагын албан хаагчид нэг өдөр хувийн автомашин унахгүй, нийтийн тээврээр зорчдог байх,
  • Хувийн дунд сургуулиудын сурагчдын автобусыг үйлчилгээнд гаргаж, албаны машинаар хүүхдээ зөөдөг байдлыг халах,
  • Нийслэлийн агентлагуудыг хотын дэд төвүүд, захын дүүргүүдэд шилжүүлэх,
  • Их, дээд сургуулиудыг нийслэлээс гаргах, цаашид Улаанбаатар хотод хувийн их, дээд сургууль нэмж байгуулахгүй,
  • Нийтийн тээврийн маршрут, буудлыг боловсронгуй болгох зэрэг ажлыг хэтдээ хийж хэрэгжүүлэхээр төлөвлөгөөндөө тусгажээ.

Хэрэгжүүлж чадвал боломжийн л сонсогдож байна. Хамгийн гол нь хэрэгжих эсэх нь даанч  тодорхойгүй. Учир нь дээр бичигдсэн асуудлууд цоо шинэ зүйл бус. Урьд, урьдын удирдлагуудын хийхээр төлөвлөдөг байсан л ажил. Гэвч хийгдсэн нь үгүй юм. Тэр тусмаа нийслэлээс Их дээд сургуулийг нүүлгэх асуудал. Хоншоортой юм бол энэ удаагийн Хотын мэр Су.Батболд дээд сургуулиудыг хотоос нүүлгэчихээсэй. Энэ асуудлыг цогцоор нь шийдэж чадах юм бол Су дарга таны суу алдрыг магтан дуулъя.

 

 

 

 

С.Баяр

Эх сурвалж: factnews.mn

 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.