“ХАНГАРЬД” ОРДОНД НЭГЖЛЭГ ХИЙЖ, ИХ ХЭМЖЭЭНИЙ МӨНГӨ ХУРААН АВЧЭЭ

2017/10/19
Share |
Хүмүүс:
“ХАНГАРЬД” ОРДОНД НЭГЖЛЭГ ХИЙЖ, ИХ ХЭМЖЭЭНИЙ МӨНГӨ ХУРААН АВЧЭЭ

Өчигдөр нийслэлийн төр захиргааны байр болох “Хангарьд” ордны 8 давхарт албаны хар хувцастай хүмүүс очжээ. Тэднийг АТГ-ынхан байсан гэдгийг нийслэлийн захиргааны ажилтнууд хэлж байна. “Хангарьд” ордны 8 давхарт нийслэлийн Нийтлэг үйлчилгээний газар ажилладаг. Энэ газрын өрөөнүүдийг АТГ-ын мөрдөн байцаагч нар нэгжиж, их хэмжээний бэлэн мөнгө хураан авсан бололтой. Том том хайрцагтай зүйл зөөж гаргаж байсан гэж “Хангарьд” ордны үйлчилгээний ажилчид ярилаа.

Мөн хэд хэдэн албан тушаалтныг машинд суулгаад авч явсан гэж байна. Тэгэхээр Нийслэлийн Нийтлэг үйлчилгээний газрын албан тушаалтнуудыг АТГ баривчилсан бололтой байна. Чухам хэнийг баривчилсан талаар одоохондоо мэдээлэл алга байна. Энэ талаар АТГ-аас тодруулах гэсэн боловч мэдээлэл өгсөнгүй. АТГ хэнийг баривчлав, маш их хэмжээний мөнгийг хээл хахуульд авч байсныг үйлдэл дээр нь барив уу, “тул” байв уу, “жараахай” юу гэдгийг бид эрэн сурвалжилж, эргэн мэдээлэх болно.

 


Д.ХАЛИУН

Эх сурвалж: Updown.mn

 


 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.