Хууль дээгүүр давж алхдаг бүлэглэлд У.Хүрэлсүхийн танхим “цохилт” өглөө

2017/10/26
Share |
Хүмүүс:
Хууль дээгүүр давж алхдаг бүлэглэлд У.Хүрэлсүхийн танхим “цохилт” өглөө

Хуулийн өмнө толгой бөхийлгөх “бүлэглэл” амь тавьж юу ч хийхээс буцахгүй сандраад эхэлж, У. Хүрэлсүхийн хуулийн машин ч ажиллаад эхэлжээ.

Хариуцлага, сахилга батыг дэг журманд нь оруулна гэж амласан У.Хүрэлсүх “бүлэглэлийг” К.О буюу хүнд цохилтонд орууллаа. Ерөнхий сайд ХЗДХ-ийн сайд хашир, туршлагатай Ц.Нямдоржийг хуулийн салбарт  шударга ёс тогтооход хэрэгтэй гэж үзвэл шууд хариуцлага тооц гэдэг чиглэл ч өгчээ.

Тав дахь удаагаа хуулийн салбарыг толгойлж байгаа Ц.Нямдорж сайд ч хуулийн байгууллагын дарга нарыг өнөөдөр 1 цагийн дотор хална гэж хэвлэлийнхэнд мэдэгдээд  цаг ч хүрэхгүй хугацаанд  ЦЕГ-ын дарга Ө.Энхтөрийг ажлаас нь чөлөөлж, оронд нь Хууль сахиулахын их сургуулийн захирал, хурандаа С.Баатаржавыг томиллоо.

Хариуцлага,  сахилга батын зангидсан гарнаас айсан Тагнуулын ерөнхий газрын дарга  Б. Хурц  улс төрчдийг тагнаж чагнадаг гэдгээ хэвлэлийнхэнд дэлгэж сандран мэдээлэл дэлгэлээ. Хэвлэл мэдээлэл, олон нийтийн өмнө өдрийн од шиг ил гардаг ТЕГ-ын дарга Б.Хурц баримт гэх зүйл дэлгэсэнгүй, өөр зорилго агуулсан өнгө аясаар ярив. Учир нь яриад байгаа зүйлүүдээ баримтаар нь өмнө нь прокурор, шүүх гээд хуулийн байгууллагад яагаад өгсөнгүй вэ?  Хардах нэг асуудал гарч ирж байгаа нь Б. Хурцын бүлэглэл гээд байгаа Ц.Нямдорж, Н.Алтанхуяг, Д.Дорлигжав нар нь өмнөх ерөнхийлөгч Ц.Элбэгдоржийн “өстөн”  хүмүүс. Б.Хурц нь  Ц.Элбэгдоржийн тусаар Лондонгийн шоронгоос эх орондоо ирсэн хүн. Тэрээр үндэсний аюулгүй байдлын зөвлөлийн ажлын албаны дарга байхдаа Лондонгийн нисэх онгоцны буудлаас Английн тусгай албаныханд баригдаж хоригдсон. Учир нь  Б.Хурц Европын холбооны нутаг дэвсгэр дээр гэмт хэрэг үйлдсэн хэмээн буруутгагдан  Лондонд хоригдож,  долоон удаа шүүхээр  орж хоригдож байсан юм.

Тив алгасаж гэмт үйлдэл хийсэн шалтгаан нь ТЕГ-ын сөрөх тагнуулын газрын дарга байхдаа С.Зоригийг бүрэлгэсэн хэрэгт Д.Энхбатыг сэжиглэн европын гурван ч улсын хил дамжин Монголд хүн хулгайлан авч ирсэн гэж буруутгагдсан. Д.Энхбат шоронгоос гэмгүй гэгдэж гарсан ч 70 хоногийн  дараа нас барсан.  Ц.Элбэгдорж  ТЕГ-ын дэд даргаар Б.Хурцыг тавиулсан. Өмнөх ерөнхийлөгч Н.Алтанхуягийн засгийн газрын үед ТЕГ-аар дамжуулж Засгийн газрыг хяналтандаа байлгадаг байсан нь Б. Хурц байлаа. Учир нь ерөнхийлөгч Тагнуулын ерөнхий газрын дэд даргыг томилуулдаг эрхтэй байдаг. Ингээд дүгнээд харвал жинхэнэ бүлэглэлийн зохион байгуулагч нь Ц.Нямдорж сайдын хэлснээр Б.Хурц болж таарлаа. Ц.Нямдорж сайдын хэлснээр Эрдэнэтийн 49 хувийг ийш тийш болгох ажиллагаанд Б.Хурц оролцсон байна.

АТГ-д өгсөн хөрөнгө орлогын мэдүүлгээс нь харахад Б.Хурц нь ямар ч бизнесгүй мөртлөө 53 тэрбум 500 сая төгрөгийн үнэт,эдлэл, хөрөнгөтэй нэгэн аж.

Бүлэглэл нь хуулийн хамгаалалтаа он удаан жилд бат бөх хийсэн байдаг тул тэр хэрэм цайзыг У.Хүрэлсүхийн засгийн газар зоригтой бут ниргэж унагаж байна. Энгийн иргэд ч хариуцлага, дэг журам тогтооход хуулийн байгууллагын дарга нарыг солихоос эхэлнэ гэдэгтэй санал нийлдэг нь сошиал орчин, гудманд үг солих хүн бүрээс тод харагдаж байна. Хуулийн өмнө толгой бөхийлгөх “бүлэглэл” амь тавьж юу ч хийхээс буцахгүй сандраад эхэлж, У.Хүрэлсүхийн хуулийн машин ч ажиллаад эхэлжээ.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.