"Нэхмэлийн шар"-ын байшингуудыг нурааж шинэ орон сууц барина

2008/06/17
Share |
Хүмүүс:
 "Нэхмэлийн шар"-ын байшингуудыг нурааж шинэ орон сууц барина

Хан-Уул дүүрэгт орших  "Нэхмэлийн шар"-уудыг нурааж буурин дээр нь орчин үеийн 16-23 давхар орон сууц барихаар "HOD" компани, БНСУ-ын "Дайжу" корпорацитай хамтран ажиллах гэрээний санамж бичигт гарын үсэг зурлаа. "Нэхмэлийн шар"-ын байшин нь ашиглалтад ороод 51 жил болж байгаа бөгөөд эдгээр 17 орон сууц нь  халуун усгүй, сантехникийн шугам нь шаардлага хангахгүй, хүн амьдрах нөхцөлгүй болсон байна. Иймд ХУД-ийн захиргаа болон хоёр, гуравдугаар хорооны ИТХ-ын тэргүүлэгчид, оршин суугчдын санал хүсэлтээр энэ газарт шинээр орон сууц барих асуудлыг одоогоос гурван жилийн өмнөөс ярьж, өнөөдөр хэрэгжүүлэх боломж бүрдлээ гэж хоёрдугаар хорооны ИТХ-ын дарга Г.Энхтуяа ярьж байна. "Нэхмэлийн шар"-уудад өнөөдөр 551 өрхийн 2100 гаруй оршин суугч амьдарч байгаа юм. Зах зээлийн харилцаанд шилжсэн 1990-ээд оны эхээр үйлдвэрүүд хувьчлагдсанаар эндхийн олон оршин суугч ажилгүй болжээ. Иймд шинээр баригдах орон сууцны 1500 айлын 17 цогцолбор барилгын зураг төслийг БНСУ-д хийсэн бөгөөд ажиллах хүчийг Монгол улсаас хангаөх юм. Франц болон европ стандартаар баригдах уг хороололд автомашины гарааш, цагдаа, өрхийн эмнэлэг болон бусад үйлчилгээний барилга байгууламж нь хамтдаа байх аж. Энд оршин сууж байсан иргэдэд давуу эрх олгож өмнө нь эзэмшиж байсан ашигтай талбай дээр нь таван метр квадрат нэмж олгох юм. Мөн орон сууц баригдах гурван жилийн хугацаанд өрх болгонд байр түрээслэхэд нь зориулж сар бүр 150 мянган төгрөг өгч байна гэж хамтран ажиллах гэрээний санамж бичигт тусгажээ.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.