Вейсел Акчай: Бараг есөн цаг уул хадаар явж байгаа юм шиг донсолгоотой замаар зөндөө авч явсан

Өчигдөр Монгол-Туркийн хамтарсан сургуулийн захирал болох Вейсел Ачкайг хулгайлсан тухай мэдээлэл цацагдсан. Түүнийг хулгайлсан байж болзошгүй сэжигтэй этгээдүүдийг баривчилсан бөгөөд энэ тухай Вейсел Ачкай өөрийн биеэр мэдэгдэл хийжээ. Тэрээр "Би “Элит” сургуулийн засварын ажлыг шалгах ёстой байсан тул 10:00 цагийн орчимд гэрээсээ гарсан. Гараад иртэл гэрийн үүдэнд үл таних хүмүүс машинаас буугаад над руу чиглээд ирсэн. Сайн зүйл болохгүй нь гэдгийг ойлгоод буцаж зугтахыг оролдсон боловч хоёр гарнаас минь барьж, сугадаад машинд хүчээр суулгасан. Ингээд бараг есөн цаг уул хадаар явж байгаа юм шиг донсолгоотой замаар зөндөө авч явсан. Энэ хооронд Ерөнхийлөгч, Ерөнхий сайдаас эхлээд хууль хяналтын байгууллагууд маш их ажилласан байна. Та бүхэнд маш их баярлалаа. Үүний зэрэгцээ хэвлэл мэдээллийн байгууллагууд, зурагчид, манай төгсөгчид, эцэг, эхчүүд бүгдээрээ сэтгэл тавьж, орой болтол хөөцөлдөж ажилласан байна. Өнгөрсөн 24 жилийн турш Монгол Улсын боловсролын салбарт юуны төлөө ажилласнаа илүү сайн ойлголоо. Цаашид миний уух ус, идэх талх, хийх ажил минь энд байна. Монгол ахан дүүстээ маш их баярлалаа” хэмээсэн байна. Түүнийг хил гаргахаар ирсэн байж болзошгүй нисдэг тэрэг нутаг буцсан бөгөөд мөрдөн шалгах ажиллагаа үргэлжилж байгаа ажээ. 

Б.Болор

Эх сурвалж: Factnews.mn