Хүмүүс: |
ОХУ-ын иргэн 22 настай Кирилл Терешин Халк шиг харагддаг болохын тулд гартаа 6 литр Synthol хэмээх аюултай химийн бодис шахуулжээ. Тэрээр "Одоогийн байдлаар би Оросын хамгийн том гартай эр болоод байна. Зарим хүмүүс надад муухай харагдаж байна гэж хэлдэг. Гэхдээ надад хүмүүсийн юу гэж хэлэх хамаагүй. Би байгаа байдалдаа дуртай" хэмээсэн байна. Харин түүний ээж хүүгийнхээ энэхүү байдалд ихэд санаа зовж явдаг тухайгаа дурдсан байх бөгөөд "Энэ хэвийн зүйл биш. Түүний бие өдөр ирэх тусам муудаж байна. Эх хүний хувьд би үүнд их санаа зовдог" хэмээсэн байна. Эмч нар ч үүнийг аюултай хэмээн анхааруулсаар буй хэдий ч залуу энэ хүрээд зогсох бодолгүй байгаа бололтой. Учир нь тэрээр цаашдаа зөвхөн гартаа биш бүх биеийнхээ булчинд бодис шахуулах зорилготой байгаагаа дурдсан бөгөөд түүнд удаан амьдрах шаардлага байхгүй хэмээн үздэг байна.
Б.Болор
Эх сурвалж: Factnews.mn