Л.Батаа: Өвчтөн хэвтүүлээгүй нөөц орны зургаар ташаа мэдээлэл цацсан иргэн уучлалт гуйсан

2018/11/20
Share |
Хүмүүс:
Л.Батаа: Өвчтөн хэвтүүлээгүй нөөц орны зургаар ташаа мэдээлэл цацсан иргэн уучлалт гуйсан

Чингэлтэй дүүргийн эрүүл мэндийн төвийн Нэгдсэн эмнэлгийн хүүхдийн тасагт хэвтэн эмчлүүлж буй өвчтөний асран хамгаалагч гэх нэгэн эмэгтэйн цахим орчинд түгээсэн пост сүүлийн өдрүүдэд олны анхаарлыг ихээхэн татаад байгаа. Тус хүүхдийн тасагт тавьсан нөөц орыг ашиглалтын шаардлага хангахгүй, гудас дэвсгэргүй, үнэр танар ихтэй хэмээн тодотгож, эрүүл мэндийн салбар руу дайрч давшилсан мэдээлэл нь иргэдийн дунд эргэлзээ төрүүлж, эмч мэргэжилтнүүдийн хичээл зүтгэлийг харлуулахад хүргэсэн гэж эмч нар үзэж байна. 

Энэ талаар Чингэлтэй дүүргийн Эрүүл мэндийн төвийн хүүхдийн тасгийн их эмч Л.Батаагаас тодруулахад “Манай нэгдсэн эмнэлгийн хүүхдийн тасагт үндсэн 75, хүүхдийн эрчимт эмчилгээ 5, нэмэлтээр 40 ор дэлгэн нийт 120 ортойгоор үйл ажиллагаа явуулж байгаа. Цаашид шаардлагатай тохиолдолд дэлгэх 20 ор нөөцөнд бий. Үүсээд байгаа нөхцөл байдлын үүднээс тайлбарлавал, энэ яригдаж буй ор нь хүүхдийн тасгийн эрчимтийн дараах өрөөнд тавигдсан нөөц ор юм. Анх 1978 онд Швейцарь улсаас зориулалтын дагуу захиалж авчруулсан. ХУД-ийн нэгдсэн эмнэлгээс хүсэлт тавьж шилжүүлж авсан ор. Тухайн хүний постон дээр бичигдсэн шиг чанарын шаардлага хангахгүй, банзан орон дээр хүүхэд хэвтүүлж байна гэсэн мэдээлэл нь ор үндэсгүй юм.



Тухайн ор нь хүүхэд унаж бэртэхээс сэргийлсэн хаалттай, дээшээ өндийж суухад зориулсан түшлэгтэй учраас тус өрөөнд хэвтэн эмчлүүлж буй хүүдүүдийн эцэг эх, асран хамгаалагч нь эргэлт авах, бие засах зэргээр ойрхон гарахдаа хүүхдээ түр тавих байдлаар ашиглаж байгаа. ЧДЭМТ-ийн хүүхдийн тасагт тухайн иргэний постон дээр оруулсан нөөц ор эрчимтийн дараах өрөө болон хүүхдийн эрчимтийн өрөөнд нийт 3 ширхэг ашиглагдаж байна. Одоогийн байдлаар, нэмэлтээр ор байршуулсантай холбогдуулан орны ачаалал хэвийн байгаа учраас тухайн орыг ашиглахгүй байгаа. Орны ачаалал нэмэгдэж, тухайн орон дээр хүүхэд авах шаардлагатай болсон тохиолдолд зориулалтын гудас, даавуу тавьж өгдөг. Харин уг пост мэдээллийг тараасан иргэн хэдийгээр өөр өрөөнд хүүхэдтэйгээ хамт хэвтэн эмчлүүлж байгаа боловч тухайн өдөр зориуд энэ өрөөнд орж төмөр орны хаалтыг буулган, матрасыг нь хуулж байж авсан зургаа цахим сүлжээгээр тараасан болохоо хүлээн зөвшөөрсөн. Гудас дэвсгэргүй ийм орон дээр хүүхэд хэвтүүлсэн бол ингэж шүүмжлэх нь зөв. Гэтэл өвчтөний ор хүрэлцээтэй байгаа энэ үед ашиглагдахгүй байгаа нөөц орны зургийг аваад буруу ташаа мэдээлэл тараасан нь үнэхээр харамсалтай юм” хэмээн ярилаа.

Үүний дараа тус постыг оруулсан хүүхдийн тасгийн 3 дугаар тасагт хэвтэж байгаа н.Дарамзагд хүүгийн ээж н.Батцэцэгтэй уулзахад “Би эмч, эмнэлгийн ажилчдад хандаж тийм пост оруулаагүй. Тэдний буруу байхгүй, харин ч бүхий л хүчин чадлаараа ажиллаж байгаа тэднийг би биширч байна. Би хүүхэдтэйгээ хамт “Гурван гал” эмнэлэгт хэвтэж байгаад гарсан. Тэндхийн орчин нөхцөл сайн боловч эмчилгээ нь улсын эмнэлгийг гүйцэхгүй, хаана нь ч хүрэхгүй байсан. Харин энд хэвтэхдээ тус эмнэлгийн орны зохицуулалтыг мэдэхгүй, нөөц орыг хараад төрсөн сэтгэгдлээр асуудалд хандсан байна” хэмээсэн юм.  

Ийнхүү нөхцөл байдлыг илтэд буруугаар ойлгуулж, олон нийтэд ташаа мэдээлэл хүргэсэн уг асуудлын хүрээнд тус эмнэлгийнхэн хууль хяналтын байгууллагад хандсан гэдгээ албан ёсоор мэдэгдлээ.

 

 

 

 


 

Б.АМИР

 

 

Танд манай нийтлэл таалагдаж байвал LIKE дараарай!
Сэтгэгдэл
ок сайн байна тиймэрхүү самраачдад даруулга хэрэгтэй хамгийн гол нь пеиж группын админуудад хариуцлага тооцдог болчихвол ингэж ухаалаг утас барьсан сармагчин болгон л дураараа авирладаг болж
IP:202.179.24.57  2018-11-20 17:17:09
Ор Харваас хөгийн л төмөр байна. Шахааны бизнес биз . Үнэн хэлсэн иргэнийг шүүхээр далайлгахаа больчихооч ичдэггүй новшнууд.
IP:45.117.35.10  2018-11-20 21:00:21
Зочин 1978 он гэхэд 40 жил ашигласан хог байна шүү дээ. Ардын хүүхдүүдийг арай доромжилж байгаа юм биш үү. Шүүх дээр айхгүй очих хэрэгтэй. Энэ ор Монгол хүүхдүүдэд хамаагүй юу ингэж ард олныг дорд үзэхээ болиоч даварсан хулгайчууд
IP:45.117.35.10  2018-11-20 21:03:46
Иргэн Эрүүл ахуйн үүднээс аль ч эмнэлэг ийм төмөр хайсанд хүүхэд хаштж болохгүй, модон ор хэрэглэх ёстой.
IP:45.117.35.10  2018-11-20 21:05:08
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.