Ерөнхийлөгчийн өргөн барьсан хуулийн төслийг хэлэлцэх гэж байна

2019/01/10
Share |
Хүмүүс:
Ерөнхийлөгчийн өргөн барьсан хуулийн төслийг хэлэлцэх гэж байна

УИХ дахь МАН-ын бүлэг өнөөдөр /2019.01.10/ хуралдлаа. Хэлэлцсэн асуудлын талаар Бүлгийн дарга Д.Тогтохсүрэн мэдээлэл хийв. 

МАН-ын бүлгийн хуралдаанд 41 гишүүн оролцож, хуралдаанд оролцсон гишүүдийн 100 хувийн саналаар УИХ-ын гишүүн Г.Солтан, Л.Энхболд, Б.Ундармаа, Г.Дамба-Очир нарын бүрэн эрхийг түдгэлзүүлэн шалгах тухай прокурорын байгууллагын саналыг хүлээж авах боломжгүй гэдэг дээр санал нэгдсэн байна.

 

Түүнчлэн 2019.01.04-нд Ерөнхийлөгч Х.Баттулгын өргөн мэдүүлсэн УИХ-ын чуулганы хуралдааны Дэгийн тухай, УИХ-ын тухай хуульд нэмэлт, өөрчлөлт оруулах тухай хуулийн төслийг дэмжих нь зүйтэй хэмээн байр сууриа нэгтгэжээ.

 

УИХ-ын гишүүний бүрэн эрхийг түдгэлзүүлэх асуудлаар прокурорын байгууллагаас санал ирсэн тохиолдолд 48 цагийн дотор УИХ-аар хэлэлцэн шийдвэрлэдэг хуультай. УИХ дахь МАН-ын бүлгээс нэгдсэн шийдэлд хүрсэн тул өнөөдөртөө багтаж УИХ-ын гишүүн Г.Солтан, Л.Энхболд, Б.Ундармаа, Г.Дамба-Очир нарын бүрэн эрхийн асуудлыг УИХ-ын Хууль зүйн болон Төрийн байгуулалтын байнгын хороогоор, дараа нь чуулганы нэгдсэн хуралдаанаар хэлэлцэх юм байна.

 

Харин “Байнгын хорооны болон чуулганы нэгдсэн хуралдааны ирц бүрдэх үү?” гэсэн асуултад УИХ дахь МАН-ын бүлгийн дарга Д.Тогтохсүрэн “Нэгэнт процесс эхэлчихсэн. Одоо шууд байнгын хороод хуралдана. Өнөөдөртөө багтаад асуудлыг шийднэ. Гишүүд энэ асуудлыг шийдэхийн тулд хуралд орно. Ерөнхийлөгчийн өргөн барьсан хуулийн төслийг ч хэлэлцэнэ” гэсэн хариулт өглөө.

 

Image result for х.баттулга

 

 

 

 

М.Бүүвэй

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.