С.Баярын дансны мэдээллийг мөн ил болгох уу?
| Хүмүүс: |
Сангийн сайд асан С.Баярцогтын Швейцарь дахь оффшор данснуудын хуулга гэгч ил болж, улс төрийн халуухан сэдвээр нэрлэгдэж байна. Оюутолгойн гэрээтэй холбоотой асуудлаар түүнтэй нэр холбогдон шалгагдаж байгаа эрхмүүд ч мөн энэ асуудлаас хуурай гарах боломжгүй гэх яриа улс төрийн хүрээнээс сонстож эхлэхийн сацуу С.Баяр болон түүний охидын дансны мэдээллийг ч ил болгох нь цаг хугацааны асуудал гэгдэх болжээ.
Нэр дурьдагдсан эдгээр улстөрчдийн дансанд байсан мөнгө Оюутолгойн хөрөнгө оруулалтын гэрээтэй холбоотой болох нь тогтоогдвол Рио Тинто компанитай байгуулсан гэрээний тухай асуудлууд дахин сөхөгдөж таарна.
Харин С.Баярын тухайд онцлон яривал түүний охид болон эхнэрийн нэр дээр бүртгэлтэй гэх үл хөдлөх хөрөнгийн асуудлууд хөвөрч эхлэх болов уу. Тэдний эзэмшилд байдаг АНУ дахь 12 сая ам.долларын өртөгтэй долоон хаус болон оффшор дансан дахь хөрөнгө чухам ямар замаар орж ирсэн бэ гэдэг олон жил тавигдаж байгаа асуултууд эргээд анхаарал татаж эхэлнэ. Энэ асуултад хариулт олдох цаг болсон уу гэвэл болсон баймаар...
Б.Болор
Эх сурвалж: Factnews.mn
