Гавьяат хуульч Л.Бямбаа хэргийн гол зангилаа байв уу?

2019/03/25
Share |
Хүмүүс:
Гавьяат хуульч Л.Бямбаа хэргийн гол зангилаа байв уу?

Л.БЯМБАА АГСНЫГ ЭРҮҮГИЙН ХОЁР ХЭРЭГТ ХОЛБОГДУУЛАН ШАЛГАЖ БАЙВ

Авлигатай тэмцэх газрын Мөрдөн шалгах албанаас Салхитын мөнгөний ордын эзэмшигч нартай холбоотой хэргээр одоогоос нэг сарын өмнө буюу хоёрдугаар сарын 20-ны өдөр хойшлуулшгүй ажиллагаа явуулж, нэр бүхий таван иргэнийг саатуулан баривчилсан байдаг. Тэдний дунд гавьяат хуульч, Л.Бямбаа агсан байсан ба тухайн өдөр мөрдөн шалгах албаныхан талийгаачийн зуслангийн байр, гэр болон түүний ажлын байр болох “Консент” хуулийн фирмийн оффист нэгжлэг явуулж, хэрэгт холбоотой нотлох баримтуудыг хураан авсан байна. Улмаар Л.Бямбааг эрүүгийн хоёр ч хэрэгт холбогдуулан, яллагдагчаар татаж 48 цагийн хугацаагаар ШШГЕГ-ын харьяа Урьдчилан хорих 461-р ангид цагдан хорьсон. Харин түүнийг суллах үед амралтын өдөр таарсан учир прокуророос яллагдагчийг суллах тогтоол үйлдэн, хорих ангиас гаргахаар очих үед Л.Бямбаа амиа алдсан байсан тухай Нийслэлийн прокурор Д.Баярсайхан мэдээлсэн юм.


ЗАДЛАН ШИНЖИЛГЭЭГЭЭР ТАЛИЙГААЧИЙН ҮХЭЛД ГАДНЫ НӨЛӨӨ ИЛРЭЭГҮЙ


Хэргийн шалгалтын ажиллагаа үргэлжилж байгаа ба Улсын  мөрдөн байцаах албаны Тусгай субъектийн хэлтсээс ажлын хэсэг байгуулагдан ажиллаж байна. Харин талийгаач Л.Бямбаагийн задлан шинжилгээний албан ёсны хариу өнгөрөгч долоо хоногт буюу энэ сарын 15-ны өдөр гарч, уг дүгнэлтийг хавтаст хэрэгт хавсаргасан тухай эх сурвалж мэдээллээ. Тодруулбал, уг шинжилгээгээр талийгаач эмэгтэйн гарын хуруунуудад гадны нөлөөтэй сорвижилт үүссэн байсан ба өөрөөр ил харагдах гэмтэл бэртэл байгаагүй байна. Харин гарт үүссэн гэх энэхүү сорви нь талийгаачийг нас барахаас өмнө үүссэн нь тогтоогдсон бөгөөд талийгаач өөрийнхөө дотуур хувцасны төмрөөр хуруугаа хатгасан бололтой.

Албан бус эх сурвалжийн мэдээлж байгаагаар, Л.Бямбаа шүүгч амиа хорлохоосоо өмнө дотуур хувцасны төмрөөр хурууны өндгөө зүсч, цусаа бэх болгон ашиглаж гэрээслэл үлдээсэн байна. Улмаар түүний үлдээсэн гурван гэрээслэлийг шинжилгээнд хамруулж байгаа ба урьдчилсан байдлаар түүний гарын хэвтэй таарсан гэх мэдээлэл байна. Энэхүү гэрээслэлд хэд хэдэн шүүгчийн нэр, болон хүүгээ ямар нэг хэрэгт хамааралгүй гэх агуулгатай зүйл бичиж үлдээсэн тухай мэдээлж байгаа юм. Талийгаачийн ар гэрийнхэн болон хамтран ажиллагсад нь түүнийг гадны нөлөөтэй нас барсан, амиа хорлох хүн биш хэмээн үзэж байгаа хэлж буй.

Энэ талаар түүний хүү С.Төмөрбат “Би нэг л зүйлийг  үндэслэлтэй, баримт нотолгоотой хэлж чадна. Миний ээж амиа хорлох тийм сэтгэлийн тэнхээгүй нэгэн биш. Миний бие Цагдаагийн ерөнхий газрын харьяа Улсын мөрдөн байцаах газрын Онц хүнд гэмт хэрэгтэй тэмцэх хэлтсийн мөрдөн байцаагчид энэ хэрэгтэй холбоотой асуудлаар нэг удаа очиж мэдүүлэг өгсөн. Би өнөөдрийг хүртэл ээжийгээ амиа хорлосон гэж бодохгүй байгаа. Аллага үйлдсэн юм уу эсвэл ямар нэгэн дарамт шахалтаас болж амиа хорлох нөхцөл байдал үүссэн үү гэдгийг үнэхээр хэлж мэдэхгүй байна. Хэвлэл мэдээллээр нас барахаасаа өмнө гурван гэрээслэл үлдээсэн гэж байгаа ч ямар учиртай гэрээслэл болохыг мэдэхгүй. Бид гэрээслэлийг хараагүй” гэсэн юм.


ТАЛИЙГААЧ ХЭРГИЙН ГОЛ ЗАНГИЛАА БАЙВ УУ!


Хэрэв талийгаач гадны нөлөө­гүйгээр нас барсан бол тэр асар их дарамтад орсон байх магадлал өндөр. Учир нь Л.Бямбаа агсныг амь насаа алдахаас арав хоногийн өмнө буюу хоёрдугаар сарын 13-ны өдөр үндэслэлгүйгээр хөрөнгөжсөн хэмээн нэр бүхий зургаан шүүгчид Авлигатай тэмцэх газраас хэрэг бүртгэлийн хэрэг үүсгэж, шүүгчийн бүрэн эрхийг түдгэлзүүлэн шалгах хүсэлтийг прокурорт хүргүүлсэн байдаг. Харин Нийслэлийн ерөнхий прокурор Д.Баярмагнай 2019 оны хоёрдугаар сарын 19-ний өдөр буюу талийгаачийг баривчлахаас нэг өдрийн өмнө, халдашгүй эрх эдэлж байгаа зургаан шүүгчийг үндэслэлгүйгээр хөрөнгөжсөн гэмт хэргийн шинжтэй үйлдэл хийсэн гэж дүгнэх боломжгүй, хангалттай үндэслэл бүхий үйл баримт тогтоогдоогүй байх тул албан үүргийг одоогоор түдгэлзүүлэх шаардлагагүй гэж үзсэн юм. Дээрх үйл явдлаас нэг хоногийн дараа Л.Бямбаа агсныг баривчилж, хоёр хоногийн дараа бүтэн өдрийн турш байцаалт авсан. Энэхүү байцаалтын дараа талийгаач хорих ангид эргэн ирээд амиа алдсан нь, түүнийг хүүгээр нь барьцаалж хэрэг тулгахыг шаардсан байх  магадлалтай. Учир нь Л.Бямбаа агсан амьд ахуйдаа Салхитын мөнгөний ордын эзэмшигч гэх “Амин билигт” компанийн хуулийн зөвлөхөөр ажиллаж байсан. Тиймээс энэхүү хэрэгт оролцсон өндөр албан тушаалтнуудын тухай баримтыг мэддэг байсан гэх таамаг бий. Өөрөөр хэлбэл, талийгаач энэ хэргийн гол зангилаа, гэрч нь байсан учраас хүүгийнхээ төлөө амиа егүүтгэн хэргийг дуусгавар болгохоор шийдсэн байх талтай юм. Нөгөө талаас Л.Бямбаа шүүгч амиа алдах нь хэн нэгэнд ашигтай байхаасаа илүүтэй эрсдэлтэй алхам учраас түүний амийг хороох шаардлага байгаагүй гэх хүмүүс ч бий.


САЛХИТЫН МӨНГӨНИЙ ОРДЫН ХЭРГИЙН ХАМЖИГЧ НАРЫГ ЗАРЛАВ


Ийнхүү гавьяат шүүгчийн амь насаа алдсан явдал, олон жил маргаан дагуулсан Салхитын мөнгөний ордын эзэмшигч нарын хэрэгтэй холбогдож байгаа нь энэ. Авлигатай тэмцэх газраас явуулж буй мөрдөн шалгалтын явцад дээрх хэрэгт Л.Бямба агснаас гадна хамжигч, хамтрагчаар оролцсон албан тушаалтнууд гарч ирсэн гэдэг. Тодруулбал, Цагдаагийн ерөнхий газрын дэд дарга, Улаанбаатар хотын цагдаагийн газрын дарга асан Ч.Болдбаатар, Улсын Ерөнхий прокурын  орлогч Г.Эрдэнэбат, талийгаач шүүгч Л.Бямбаагийн хүү С.Төмөрбат, Улсын Дээд шүүхийн шүүгч Г.Алтанчимэг, Ц.Амарсайхан, Д.Золзаяа, Г.Цагаанцоож, Д.Цолмон, Дүүргийн Иргэний хэргийн анхан шатны шүүгч Т.Энх­жаргал нарын нэрс хамжигч нарын зураглалд байгаа тухай мэдээлж байгаа юм. Эндээс харахад, талийгаач Л.Бямбаа дээрх албан тушаалтнуудыг Салхитын мөнгөний орд эзэмшигч нартай холбон зуучлах үүрэг гүйцэтгэсэн байх магадлалтай бөгөөд түүнийг хүүгээр нь барьцаалж, эцсийн шийдвэр гаргахад нөлөөлсөн бололтой. Хэдийгээр хэргийн хамжигч гэгдэх Л.Бямбаа нас барсан ч хэргийг хаах үндэслэл болохгүй юм. Өөрөөр хэлбэл, Л.Бямбаа агсны  хэргийг тусгаарлан, Салхитын мөнгөний ордын хэргийн шалгалтын ажиллагаа үргэлжилнэ.


Дэлгэрэнгүйг "ӨГЛӨӨНИЙ СОНИН"-оос унших боломжтой.

 

 

 

 

 

Б.Гантуяа 

Танд манай нийтлэл таалагдаж байвал LIKE дараарай!
Сэтгэгдэл
zochin kui ee odoo hendee gomdohov idj uusan n ilerheer ingesin bolvuu daa, iim ih horongotei baij uzeegu bolhoor , tomchuudiin idej uusang oilgohgui ym bainaoo,
IP:202.21.112.194  2019-03-25 13:46:23
Zochin Huu ni gej meden budilsan durak yu yu geel hutsaad bdgiin !! Salhitiin mungunii ord bol Yan Van Mungunshagai geh muu gulugnuudtei nyagt holbootoi ehlel ni ingej ehlej bn Mungunshagai muu buusuu chinii bolon chamaig toiron bgaa humuus aidas huidsendee barigdaj uhlee !!! Yu yu gej hutsaj bsnaa sanaarai fb eer olon niitiin suljeegeerutas geriin hayg avahuu geed ih Tom bsan bha
IP:202.126.89.24  2019-03-25 13:54:48
9 Ene shoron chin emneleg surguulias iluu shine saihan baishin bh chin.
IP:84.75.212.226  2019-03-25 16:22:50
Мөрдөгч Ядаж огноог нь хүртэл зөв бичиж чадахгүй байж олон зүйл таамгалан бичихээ анхаарах нь та нарт хэрэгтэй .шүү. Амиа хорлоогүй..маш том асуудлыг мэдэж байсан учраас элбэгдоржийн даалгаваар хорлогдсон
IP:202.9.42.78  2019-03-25 16:33:26
Zochin Za ashgui bugdiig ne shalga, ulsiin orlogoovoo zuzaarah nee! Ter prokuror bol davartsan bna! Ger buleeree avilgachid um bna. Ter ueel duu Ideriig ne sain shalgaarai!!
IP:60.31.184.153  2019-03-25 18:54:45
shrr Shynlintylamhanajamidrsan boliygj iim.ym bolhob
IP:64.119.25.245  2019-03-25 20:41:32
Zochin Um maani nad mi hum,za za ajlaa bodotsgoo, oorsdiigoo sain hyana, eh ornoo iluu ih bodotsgoo!
IP:103.229.121.169  2019-03-26 09:29:03
Zochin Gavyat huulich hun bn shdee,tgd iim heregt hutgaldaad hairan ch yumaa daa
IP:103.212.118.96  2019-03-27 14:41:14
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.