Уран бүтээлч Ж.Анунаран ХААН Галерейд “Хайр” үзэсгэлэнгээ нээлээ

2019/05/10
Share |
Хүмүүс:
Уран бүтээлч Ж.Анунаран ХААН Галерейд “Хайр” үзэсгэлэнгээ нээлээ

“...Цагаанаар илэрхийлсэн энэ үзэсгэлэн миний хэзээ нэгэн цагт хийхийг хүсэж байсан үзэсгэлэн мөн. Тэгэхдээ хайрын тухай илүү өргөн ойлголтоор хандахыг хүсэхийн зэрэгцээ тийм нэг үйл явдлаар түрэгдэн орж ирсэн үзэсгэлэн гэвэл ононо. “Хайр” нь хамаг ойр дотны чухал хэн нэгнээс эхлэн огт танихгүй нэгнийг ч энэрэн хайрлаж, сэтгэлдээ багтаадаг гэдэгт би итгэж байна” хэмээн таны тольдон буй энэхүү эрхэмсэг үзэсгэлэнгийн эзэн, уран бүтээлч Ж.Анунаран өгүүллээ.

Монгол гэрийн тооныг санагдуулам дугариг цагирагнаас эсгий үнэг, гурвалжин дүрс бүхий чимэглэлүүд, амьтдын бяцхан чихмэл, тоглоом, хонх сэлт унжуулсан өрөг урлагийн бүтээл энэхүү үзэсгэлэнгийн хоймрыг эзэлжээ. Нялх хүүхдийг айж цочих, элдэв гай барцадаас хамгаалах зорилгоор эртнээс монголчууд дом шүтлэгийн хэлбэрээр ийнхүү үнэг,  тоглоом хайчилж унжуулдаг байсан билээ. Энэ дом шүтлэгээс ч болсон уу, харахад л хайр хүрэм, нялх үр хаа нэгтээ үнэгчлэн нойрсож буй мэт энхрий санагдуулна. Өрөг урлагийн бүтээлээс гадна хатгамал, наамал, уран зураг хоршсон холимог техникийн 10 орчим зургаа үзэсгэлэнд дэлгэсэн нь мөн л өвөрмөц сэтгэгдэл төрүүлэхээр юм. Ж.Анунаран өмнө нь “Чөлөөлөлт”, “Өөрчлөлт”, “Өрнөлт”, “Орчил” зэрэг бие даасан өвөрмөц үзэсгэлэнгүүдээрээ олон нийтэд хэдийнэ танигдсан авьяаслаг залуу уран бүтээлчдийн нэг билээ.

 

 

Тэрбээр үзэсгэлэнгийнхээ тухай “...Эдгээр ажлууд нь уран бүтээлчийн хувь шинжийг илтгэсэн атлаа тэр шинжийг бүтээлцэх эрхэм нандин хүмүүсийн тусгал дүрийн тухай, дэргэд үргэлж тулж түших хайраа цацруулагч, бие биесгүйгээр өөрсдийгөө төсөөлөхгүй байгаа гэр бүлүүдийн тухай, энхрий бяцхан үрсийн тухай,  аливаа амьтдын дүрсийн цаана байх хүмүүс,  эрхэм нөхдийн тухай юм. Хэн нэгний болоод бусад бүх хүмүүсийн хувьд чухалд тооцогдох эдгээр ”хайр”-ууд бүтээлд тусгагдан дүрслэгдэхдээ ХАЙР гэх мөн чанарынхаа хувьд үргэлжид зүгээр л хайрласаар байх үнэмлэхүй дээд хайр байх, эсвэл өгөх хийгээд авахын, хайрлах агаад үл хайрлах, уучлах хийгээд үзэн ядах, шинжээрээ сүлэлдэн оршихын тухай ч юм уу...  Гэвч хүн бүрийн хайрыг хүлээн авах болон ойлгон, мэдэрч хүртэх нь ондоо... Хүний амьдралын турш тэтгэж байдаг мөн хамгийн их хүсэн хүлээдэг, бас дутдаг зүйл бие биенээ л хайрлах болой” хэмээсэн.

Монголын дүрслэх урлагт хожуу төрөн гарсан ч өдгөө томоохон байр суурийг эзлэх болсон нэн шинэ орчин үеийн төрөлд багтах бүтээлүүдтэй танилцъя гэвэл “Хайр” үзэсгэлэнд саатан морилно уу. Үзэсгэлэн 2019 оны 5-р сарын 23-ныг хүртэл ХААН Банк Цамхагийн 3-р давхарт байрлах ХААН Галерейд олон нийтэд үнэ төлбөргүй гарч байна. Ажлын өдөр та бүхэн 10:00-19:00 цагт, амралтын өдрүүдэд 11:00-18:00 цагт үзэсгэлэн үзэх боломжтой.

 

 

 

 

 


 

Танд манай нийтлэл таалагдаж байвал LIKE дараарай!
Сэтгэгдэл
баагий сайхан ярилцлага болжээ.жинхэнэ тулгамдаж байгаа асуудлыг хөндсөн байна. Химийн тариагий нь хэрэгжүүлмээр юм байна даа
IP:202.72.245.122  2019-05-10 14:39:34
Hungul Saihan hingulchihvul zygeer Yumaa
IP:202.179.24.142  2019-05-10 17:35:27
Zochin Gertee niilj bayar temdeglen huuhduudiinhee hajuud arhiddag aavuud, torson odroo temdeglen gertee arhiddag eejuud suuldee bur shine torson hohuul emegtei deer hurtel arhi barij irj arhiduuldag tenegiin tsaad teneg uildel gazar avch bna. Arhi avchirch baigaa nih uuj bgaa ni ch ter taarsan malnuud. Enuunees l ene huuhdiin huchirhiilel garaad bbgaam shte.
IP:66.181.177.122  2019-05-11 12:33:45
nnn shouchin avgai huhdin huchirhiilleer olnii tanil bolj bn. gent sain hun bolj jujiglehe boliosoi
IP:150.129.140.177  2019-05-12 12:43:47
Zochin Ter said darga nar chin hugshin zaluugui huchindeed shagaad ywdag shdee huuhed huchindsen hund ymar huulitai bolohiin Bulgamaaa ! Nuguu modeliinhoo hergiig shiidsenuuu hudlaa shaagaad baisan poporhooo bolioo
IP:73.109.56.200  2019-05-13 13:44:54
r ene omgoologch bolchihoor odoo yanadaa kkkk unen hudlaa kareriist awgaishdee
IP:202.131.226.221  2019-05-13 15:29:51
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.