О.Дөлгөөнд зориулсан “Candy” аянд 19 сая орчим төгрөг цугларчээ

2019/07/05
Share |
Хүмүүс:
О.Дөлгөөнд зориулсан “Candy” аянд 19 сая орчим төгрөг цугларчээ

Монголын оюутны сагсан бөмбөгийн лигийн тамирчин О.Дөлгөөн АНУ-ын Калифорни мужийн их сургуулийн эмнэлэгт хэвтэн эмчлүүлж байгаа билээ. Түүнд зориулан эхлүүлсэн Candy аян амжилттай болж өндөрлөжээ. Мобикомын хэрэглэгчдийн дунд өрнөсөн Сandy аяны хүрээнд нийтдээ 18.929.800 төгрөг цугларсан бөгөөд энэхүү мөнгийг түүний аав Л.Очбадрахын дансанд өчигдөр шилжүүлсэн байна. Ингэснээр түүний аавын нэр дээрх хандивын дансанд нийтдээ 629 сая орчим төгрөг цуглараад байгаа бөгөөд АНУ дахь хоёр дансан дахь хандивын мөнгөтэй нийлээд ойролцоогоор тэрбум орчим төгрөг болоод байгаа аж.

 

Хандивын аяныг олон нийтэд ийнхүү нээлттэй өрнүүлж байгаа О.Дөлгөөний гэр бүлийнхэн эмчилгээний зардлаас мөнгө илүү гарсан тохиолдолд бүгдийг нь өвчиндөө шаналж буй бяцхан үрсэд хандивлана гэдгээ мэдэгдсэн. Одоогоор түүний эмчилгээ, хагалгааны зардлын нийт дүнг тодорхойлох боломжгүй байгаа аж. О.Дөлгөөний хувьд биеийн байдал нь дахин муудаж амьсгалын аппаратаа дахин залгуулсан байгаа тухай түүний гэр бүлийнхэн мэдээлээд байна. Түүний хагалгааг дархлалын системээс нь үүдэн хойшлуулаад байгаа бөгөөд донор яаралтай хэрэгтэй байгаа өвчтнүүдийн тэргүүн эгнээнд тэрбээр бичигдэж байгаа ажээ.

 

 

 

 

Б.Болор

Эх сурвалж: Factnews.mn

Танд манай нийтлэл таалагдаж байвал LIKE дараарай!
Сэтгэгдэл
иргэн америкийн элчин сайдын консулын газрын америк эр ийм юмнуудад виз өгдөг мөртлөө бизнес хийдэг хүмүүст америкийн виз өгөхгүй мөнгийг нь шуулж байдаг амьтад шүү дээ !
IP:202.9.43.109  2019-07-07 20:28:46
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.