ШУУРХАЙ: Тост, Тосон бумбын нурууг БҮХЭЛД НЬ улсын тусгай хамгаалалтад авлаа

2019/08/14
Share |
Хүмүүс:
ШУУРХАЙ: Тост, Тосон бумбын нурууг БҮХЭЛД НЬ улсын тусгай хамгаалалтад авлаа

 Монгол Улсын Засгийн газраас Тост, Тосон бумбын нурууг Байгалийн нөөц газарт өргөтгөлөөр авах тухай тогтоолыг дөнгөж сая гаргалаа. Засгийн газрын тогтоолоор Өмнөговь аймгийн Гурвантэс сумын нутаг дэвсгэрт орших Тост, Тосон бумбын нурууны Байгалийн нөөц газрыг 153482.37 га талбайгаар нэмэгдүүлэн нийт 896540.37 га талбайгаар хилийн заагийг шинэчлэн тогтоохоор шийдвэрлэсэн байна. Энэхүү талбайг Улсын тусгай хамгаалалтад авснаар Тост, Тосон бумбын нурууны 869540.47 га газарт буюу бүхэлд нь ямар ч компани уул уурхайн ашиглалт, олборлолт, хайгуулын үйл ажиллагаа явуулах боломжгүй боллоо.

Тост, Тосон бумбын нурууг Байгалийн нөөц газарт өргөтгөлөөр авах тухай Засгийн газрын тогтоолыг “Монгол Улсын Тогтвортой хөгжлийн үзэл баримтлал-2030” 2.3.1-д “... Усны нөөц, гол мөрний урсац бүрэлдэх эхийн 50-иас доошгүй хувийг тусгай хамгаалалтад авах”, “Ногоон хөгжлийн бодлого” 3.2.1-д “Байгалийн унаган төрх, экосистемийн тэнцвэрт байдлыг хадгалах, цэнгэг усны нөөц, гол, мөрний урсац бүрэлдэх эхийн 60-aac доошгүй хувийг тусгай хамгаалалтад авч, улсын тусгай хамгаалалттай газар нутгийн хэмжээг 2020 онд нийт нутаг дэвсгэрийн 25 хувь хүргэх”, “Ус үндэсний хөтөлбөр”-т “Гол мөрний урсац бүрэлдэх эхийн 60 хувьд хамаарах газрын хилийг нарийвчлан тогтоож, улсын болон орон нутгийн хамгаалалтад авна”, Монгол Улсын Засгийн газрын 2016-2020 оны үйл ажиллагааны хөтөлбөр 4.2.1-д “Байгалийн унаган төрхөө хадгалсан газар, цэнгэг усны нөөц, томоохон гол мөрний урсац бүрэлдэх эхийн 50-иac доошгүй хувийг улсын тусгай хамгаалалтад авна” хэмээн тодорхойлсон төрийн бодлогыг хэрэгжүүлэх зорилгоор баталжээ.

 


Тост, Тосон бумбын нурууг байгалийн нөөц газрын ангиллаар УИХ-ын 2016 оны 35 дугаар тогтоолоор улсын тусгай хамгаалалтад авч, Засгийн газрын 2017 оны 91 дүгээр тогтоолоор байгалийн нөөц газраар бүртгэсэн юм. Орон нутгийн хувьд Тост, Тосон бумбын нурууг Өмнөговь аймгийн ИТХ-аас 2010 онд 668912 га, Гурвантэс сумын ИТХ-аас 671180 га талбайгаар тус тус хилийн заагийг тогтоож байв.

Ийнхүү Засгийн газрын өнөөдрийн /2019.08.14/ тогтоолоор Тост, Тосон бумбын нурууны байгалийн цогцолбор газрын хилийн заагт өөрчлөлт оруулан 153482.37 га газар өргөтгөн нийт 896540.37 га газрыг байгалийн нөөц газрын ангиллаар улсын тусгай хамгаалалтад авах шийдвэр гаргалаа. Мөн хилийн заагийг баталсантай холбогдуулан тусгай зөвшөөрөл эзэмшигчдэд нөхөн олговор олгох асуудлыг холбогдох хууль тогтоомжийн дагуу шийдвэрлэхийг УУХҮ-ийн сайд Д.Сумъяабазарт, мэдээллийн санд бүртгэхийг БХБ-ын сайд Х.Баделханд, хамгаалалтыг хууль тогтоомжийн дагуу зохион байгуулахыг БОАЖ-ын сайд Н.Цэрэнбат, Өмнөговь аймгийн Засаг дарга Н.Наранбаатар нарт даалгасан байна.


ШУУД:


Танд манай нийтлэл таалагдаж байвал LIKE дараарай!
Сэтгэгдэл
йыа Сайн байна. Энэ сайхан хангай. ан амьтан нутгийн усны эх, онгон дагшин байгал. Аргал янгир Ирвэс...... Баяртай банйа.
IP:103.11.195.34  2019-08-14 11:13:13
ii tmee saihan medee bna
IP:122.201.23.201  2019-08-14 11:36:45
харьсан бөх Бөх тамирчин Сумьяабазараа огцоруул
IP:202.9.43.77  2019-08-14 11:53:52
Эрдэнэчимэг Baigaa uurhainuudaa xaacixaad tsalin mongo gej hashgirah uyd uurhaigas oor orloggui uls yaanadaa
IP:202.9.42.105  2019-08-14 12:13:56
na ДЭЭДСИЙН СҮНС АМИРЛАЖ, ҮР ХОЙЧ МИНЬ БАЯРЛАХ БУЙ ЗАА.
IP:202.179.31.100  2019-08-14 12:39:33
Kkk Argal, yngir, irves bayrtai bn genee, ineelgesend bayrlalaa. Neerel tiim bhda,,,
IP:49.0.218.139  2019-08-15 00:49:57
hi Khurelsukhiin zasgiin gazar yum hiigeed bgaa mash sain.
IP:103.26.193.18  2019-08-15 03:37:13
азаа nuguu irves hamgaalagch zaluu mini odoo neg taivshirch de....evii mini
IP:150.129.143.162  2019-08-15 14:58:56
zochin Za ashgui dee. IIm saikhan khangaigaa.
IP:77.92.196.156  2019-08-16 00:25:17
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.