Хил хаасан ч Монгол Улсын экспорт, импорт ЗОГСОХГҮЙ

2020/01/31
Share |
Хүмүүс:
Хил хаасан ч Монгол Улсын экспорт, импорт ЗОГСОХГҮЙ

Коронавирусийн дэгдэлт улам бүр нэмэгдэж байгаа учраас Монгол Улсын Засгийн газраас өнөөдөр /2020.01.31/ БНХАУ-тай хиллэдэг бүх боомтуудыг гуравдугаар сарын 2-ныг хүртэл хаах шийдвэрийг гаргалаа. Тодруулбал, 
 

  • Монгол Улстай хиллэдэг БНХАУ-ын бүх боомтуудаар (Агаарын, төмөр замын, авто замын) хятад иргэд болон гадаад улсын иргэдийг нэвтрүүлэхгүй.
     
  • Гуравдугаар сарын 2-ныг хүртэлх хугацаанд Монгол Улсын иргэд урд хөрш рүү явахыг хориглох шийдвэр гаргалаа. 


Шийдвэртэй холбоотойгоор
 

  • Урд хөрштэй хиллэдэг бүх боомтуудаар монгол иргэдээ хоёрдугаар сарын 6-ныг хүртэл нэвтрүүлнэ. 
     
  • Гуравдугаар сарын 2-ныг хүртэл "Буянт-Ухаа" болон Замын-Үүдийн боомтуудаар буцаж ирж буй монгол иргэдийг нэвтрүүлнэ. 


Хилийн боомтуудыг хаах шийдвэрийн хүрээнд бараа, бүтээгдэхүүний экспорт, импортыг хязгаарлахгүй гэдгийг Засгийн газар онцгойлон анхаарууллаа. Манай улсын эдийн засаг БНХАУ-аас ихээхэн хамааралтай.

Сануулахад, Монгол, Хятад хоёр улс 4670 гаруй км газар нутгаар хиллэдэг. Монгол Улс 2019 онд БНХАУ-тай 8.9 тэрбум ам.долларын худалдааг хийсэн. Энэ нь гадаад худалдааны нийт бараа эргэлтийн 64.4 хувийг, нийт экспортын 89.1 хувийг эзэлсэн үзүүлэлт юм. БНХАУ-д экспортолсон бараа бүтээгдэхүүний 44.4 хувийг чулуун нүүрс, 26.4 хувийг зэсийн баяжмал эзэлж байна. Эдгээр нь улсын төсвийн орлогод жин дарах нөлөөтэй ашигт малтмал. Монгол Улс 2019 импортолсон нийт бараа бүтээгдэхүүний 33.6 хувийг БНХАУ-аас авсан байгаа юм. Импортолсон барааны 13.8 хувь нь ачааны тэрэг, үлдсэн хувь нь олон нэр төрлийн бага жинтэй, бараа бүтээгдэхүүнүүд гэдгийг Үндэсний статистикийн хороо мэдээлсэн юм.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.