7-р сарын ЗУРХАЙ

2020/07/01
Share |
Хүмүүс:
7-р сарын ЗУРХАЙ

Баяр наадам, амралт зугаалга, эрээн цэцэгс, эрвээхий, шувууд, ногоон тал, нарны илч гээд мэлмий баясгаж, алжаал тайлах гайхалтай зүйлс энэ сард олон.

Хонь

Сарын эхээр хайртай аав ээжээ баярлуулах, тэднийг залуу насанд нь аваачих чин хүсэл тань биелнэ. Сэтгэлийн хөөрлөө дарж, тайван байдлыг бий болгохын тулд бясалгал хийж залбир. Таны хурц оюун ухаан, зөв зохион байгуулалттай, төлөвлөгөөтэй ажилладаг чадвар тань өөрийн хүссэн зорилгодоо хүрэхэд туслах болно. Эрүүл мэндэд ямар нэгэн асуудал гарч магадгүй. Ялангуяа гэнэтийн нөхцөл байдлын улмаас осол аваар, бэртэл гэмтэлд өртөх магадлал өндөр байна. Санхүүгийн салбарт ажилладаг хүмүүс азтай, одтой байх бололтой. Худалдаа наймаа, бизнес эрхлэгчид тодорхой хэмжээний ашиг орлого олох болно. Харин сарын дундуур эрчүүд аливаа үйл ажиллагаа явуулахдаа болгоомжтой, анхааралтай байхыг зөвлөж байна. Ялангуяа эрсдэлтэй худалдаа хийх хэрэггүй. Соёл урлаг олон нийтийн үйл ажиллагаанд идэвхтэй оролцож, өөрийнхөө авьяас чадварыг харуулахыг зөвлөж байна. Сэтгэл хөдлөлөө барьж, түүнийгээ тайвнаар, цэгцтэйгээр ил гаргахад суралцах хэрэгтэй. Хүнийг өөртөө татах төрөлхийн авьяас бүтээлч зан чанар тань бусдыг гайхшруулж, өөрийн зөн билгийн чадвараараа бусдад нөлөөлөх авьяас тань тодорч мэдэх юм. Сарын сүүлээр бүсгүйчүүд хөнгөмсөг зангаасаа болж бусдын олз болж хохирох магадлал өндөр байгаа тул өөрөө өөртөө хяналттай байж бүх зүйл дээр тунг нь тааруулж хандах хэрэгтэй гэж зөвлөж байна. Танд өөрийн тань төсөөлж байгаагүй сайхан санал гэнэтийн байдлаар орж ирнэ. Сэтгэл санааны бэлтгэлгүй байдал нь учирсан нөхцөл байдлыг дүгнэж тунгаахад ихээхэн төвөг учруулна.

Үхэр

Сарын эхээр зарим төлөвлөөгүй худалдан авалт тань оновчтой байх бөгөөд танд ирээдүйд их ашиг авчрах болно. Бүсгүйчүүд зөн билэгтээ итгэхийг хүснэ. Тэд хэт мэдрэг эмзэг байх бөгөөд өчүүхэн зүйлд ч хямарч мэдэхээр байна. Гэрээ хэлэлцээр, тохиролцоо хийхэд ямар нэгэн саад бэрхшээл тулгарч болзошгүй. Шинэ албан тушаалд очих, ажлын байраа өөрчлөх зэрэг сэлгээ хийхэд таатай байна. Таныг үнэлж дүгнэх, таны дотоод сэтгэл, мөн чанарыг олж харах нэгэнтэй учирна. Хамтрагчаасаа хэтэрхий ихийг шаардсанаас болж асуудал үүсч болзошгүй тул аливаа харилцаагаа авч үлдэхийн тулд алс хэтээ харж, ухаалгаар хөдлөхийг зөвлөж байна. Сарын дундуур худалдаа наймааны ажилд няхуур хандахгүй бол хууртагдаж болзошгүйг одод анхааруулж байна. Оюун санааны эрэл хайгуул, гүн ухааны эргэцүүлэл, уран бүтээл хийхэд тааламжтай. Мөнгө төгрөгний асуудлаас болж хэн нэгэнтэй муудалцах явдал гарч болзошгүй. Ихээхэн хэмжээний мөнгөний ээдрээтэй асуудал үүсэж магадгүй. Сарын сүүлээр эрчүүд мэдрэлийн ядаргаанд орж, сэтгэл санаа түгшүүртэй байдлыг мэдрэх магадлалтай. Ганц бие хүмүүс болзоонд уригдаж, эсвэл удаан уулзаагүй уулзалт үдэшлэгт очиж магадгүй. Та бусдад итгэл найдвар өгч тэдний хувьд шинэ боломжийг нээж өгнө. Дур булаам байдал тань олон хүнтэй харилцах, бусдад ухаарал хайрлахад нөлөөлнө.

Ихэр

Сарын эхээр бүтээлч байдал, оюунлаг, хөдөлмөрч байдлаараа бусдын анхаарлыг татаж чадсан таны хувьд ахин олон олон боломж гарч ирэх болно. Өөрийн үзэл бодол, итгэл үнэмшилдээ тууштай, хувирч гуйвах байдал гаргаж болохгүй. Бусдын төлөө өөрийгөө зориулж чаддаг, санал бодлоо ойлгуулж, илэрхийлж чаддаг хүмүүс эргэн тойрондоо өөрийгөө дэмжих олон хүмүүсээр хүрээлүүлнэ. Уран бүтээлийн онгод хөглөгдөн зарим нэг чухал ажил хэргийг амжилттай явуулах эрч хүч, энергиэр дүүрэн байна. Өмнө нь хөөцөлдөөд бүтээгүй бичиг баримттай холбоотой, төрийн байгууллагатай холбоотой бүхий л ажил амжилттай бүтнэ. Шинэ салбарт хүч үзэх нь энэ цаг үед хэтэрхий эрсдэлийг дагуулж болзошгүй. Амьдралдаа шинэчлэлт өөрчлөлт хийхээр шийдсэн бол одоо цаг нь иржээ. Сарын дундуур томоохон худалдан авалт, наймааны ажил нь амжилттай болно. Харин гэрээ хэлэлцээр байгуулах, шинэ түнш нэгтгэх зэрэг нь танаас илүү их анхаарал болгоомжлолыг шаардана. Өрсөлдөгч олонтой салбарт хүч үзэхээр шийдсэн бол зах зээл, нөхцөл байдлаа бүрэн дүүрэн судалж хөдлөхгүй бол танд ихээхэн эрсдэлт алхам болохыг анхаар. Аз туршсан аливаа үйл ажиллагаа явуулахгүй байхыг зөвлөж байна. Ажил хэргээ явуулж байх үед хувийн харилцаагаа хольж хутгах хэрэггүй. Биеийн байдал тавгүйтэж сул дорой байдал зонхилно. Эрүүл мэнддээ гойд анхаарал тавихыг зөвлөж байна. Харин сарын сүүлээр хувийн амьдралд тань ганц биш хэд хэдэн сайхан өөрчлөлтүүд гарч магадгүй тул үүнд бэлэн байх хэрэгтэй. Амьдралын эрч хүч тань ихээхэн нэмэгдэнэ. Мөнгө олох шинэ эх үүсвэрийн талаар бодож, шинэ санал санаачилга гаргана. Өөрийн боломж бололцоонд тохирсон ажлын төлөө шаргуу тэмцэж, эрэл хайгуул хийнэ. Төлөвлөөгүй зарлага, үрэлгэн байдлаа засахгүй бол ойрын хугацаанд үүсч болох хямралын эхлэл болж мэдэх юм.

Мэлхий

Сарын эхээр аюул эрсдэл дагуулсан томоохон ажил, төсөл хөтөлбөрт оролцох, худалдан авах эсвэл үл хөдлөх хөрөнгө худалдан авах шаардлагагүй. Мэргэжлийн бус зүйлээ мэддэг юм шиг хийх хэрэггүй. Гайхалтай амжилт, их ашиг орлого таныг хүлээж байна. Материаллаг байдлаа дээшлүүлж болохуйц шийдвэртэй алхам хийж магадгүй. Та өөрийн авьяасандаа тулгуурлан ямар нэгэн үйл ажиллагаа эхлүүлж чадвал ирээдүйд амжилтад заавал хүрнэ. Одод таныг тэсвэр тэвчээртэй байж өөрийгөө захирахыг зөвлөж байна. Хэн нэгэн муу санаатай хүний явуулгад өртөж, таатай харилцаагаа муутгах мэднэ. Шийдэгдээгүй зарим зүйлээ хайртай хүн, эсвэл ойр дотнын хүний тусламжтай амжилттай шийдвэрлэнэ. Мэргэжлийн үйл ажиллагаанд зарим нэгэн хүндрэл гарч магадгүй тул та гарч болох саад бэрхшээлээс урьдчилан сэргийлж анхаарал болгоомжоо нэмэгдүүлэхийг зөвлөж байна. Таны тууштай зорилготой, урагш тэмүүлсэн хүсэл эрмэлзэл тань амжилт авчирна. Зарим тохиолдолд од гарагийн таагүй байрлал нь таны ажлын идэвхийг бууруулна. Сарын дундуур эрүүл мэндийн байдалдаа онцгой анхаарал хандуулахгүй бол өвчин эмгэг хүндрэх магадлалтай. Өндөр настай хүмүүсийн лагшин муудах, шалтгаангүй бие сульдаж ядрах нь эрүүл мэндтэй шууд холбоотой юм. Сэтгэл санааны байдлаа дээшлүүлж уруу дорой байдлыг гаргахгүй байхыг зөвлөж байна. Аялал жуулчлалын салбарт ажилладаг хүмүүс маш завгүй байх бөгөөд тэдний ажилд нэлээд их шинэчлэлт, өөрчлөлт гарах болно. Харин сарын сүүлээр өөрийн толгойд боловсруулсан ажлаа бусдын биеэр хийлгэж харилцан ашиг олох боломжийг нээж боловсруулан үр дүнд хүрэх болно. Огцом уур, анхаарал сул байх нь хувь заяаны гэнэтийн эргэлтийг муу талаар нь хүлээж авах үндэс болж магадгүй. Санхүүгийн байдал сайжрах найдвар бага, урьдын адил илүү гарахгүй, дутаж зээлэхгүй хэмжээнд байна. Гэвч та энэ байдлаас гарах олон төрлийн зүйлийг бодож боловсруулах гэж хичээнэ. Хэлсэн ганц үгнээсээ болж дотнын хүнээ гомдоож болзошгүй тул үг хэлээ мэдэж байхыг зөвлөж байна.

Арслан

Сарын эхээр нийгэмд өрнөж байгаа зарим нэг зүйл нь таны амьдралд маш таатай нөлөө үзүүлнэ. Хэн нэг нь ажлаар тасарч зогсонги байдалд хүрч байхад таны хувьд тасралтгүй ажил, хамт олон дүүрэн байна. Өөрийн ааш авир, муу зуршил зангаасаа болж өөрийнхөө амжилтыг хойш татаж байдгийг танд сануулж байна. Аливаа зүйлд шантралгүй зориг тэвчээртэй байж шаардлагатай гэж үзсэн зүйлээ эргэлзэлгүй хийгээрэй. Таны сэтгэл санааны тогтворгүй байдал нь олон харилцааг сэвтээж магадгүй. Өрсөлдөгчийнхөө явуургүй ажиллагааны улмаас гэнэтийн бэрхшээл тулгарах нь таны хэвийн үйл ажиллагааг доголдуулахад хүргэнэ. Хувийн харилцаа нь хурцадмал, эсвэл шийдвэрлэгдэх боломжгүй асуудлууд нь ямар нэгэн шийдвэр гаргахад хүргэж болзошгүй. Сарын дундуур эрүүл мэндийн байдал доройтож болзошгүй. Энэ нь ойр дотнын хүмүүстэйгээ үүсгэсэн маргаан үл ойлголцлоос болж магадгүй. Бэртэж гэмтэх, осолтой ажилд анхаарал болгоомжтой хандахыг зөвлөж байна. Буруу сэтгэлтэй болон буруу замаар явагсдын нөлөөнд автахгүй байх, өөрийгөө бүрэн удирдахыг зөвлөж байна. Оюун санаагаа цэгцэлж өсөн дэвжихийн төлөө өөртөө хөрөнгө оруулалт хийнэ. Магтаал сайшаал нь таны эрч хүчийг сэргээж урам зоригийг нэмэгдүүлнэ. Та өөрийн мэдрэмждээ тулгуурлан томоохон чухал дүгнэлтийг гаргах нь амжилтыг авчирна. Харин сарын сүүлээр худал амлалт, хууран мэхлэлттэй тулгарч болзошгүй. Өөртөө дүгнэлт хийж хэрэггүй зуршлаасаа салахыг зөвлөж байна. Санхүүгийн хувьд тогтвортой байхаас гадна бүр нэмэлт орлого олж, хэтэвчээ зузаатгана. Санаандгүй ирсэн мэдээлэл нь таны ажлын төлөвлөгөөнд ихээхэн өөрчлөлт оруулж болзошгүй. Хайр дурлалын асуудлаа амжилттай шийдсэн таныг гэрэлт ирээдүй хүлээж байна.

Охин

Сарын эхээр ажил хэргийн хувьд төлөвлөсөн олон зүйл байгаа ч зарим нэг нөхцөл байдлын улмаас ахиц гаргаж, төлөвлөсний дагуу байж чадахгүй. Эд хөрөнгөтэй холбоотой янз бүрийн асуудлууд гарч болзошгүй. Та гэр бүлийн хүрээнд хувийн асуудлаа шийдвэрлэхийг зөвлөж байна. Сөрөг энергитэй хүмүүс болон таагүй мэдээ мэдээлэл нь биеийн байдлыг муутгана. Хэт өндөр ажлын идэвх, ажиллах чадвар нь үр өгөөжтэй үр дүнд хүрэхгүй. Мөнгө санхүүгийн салбарт амжилт олох магадлалтай ч худал хуурмаг төсөөлөл тань бий болсон бодит байдлаас зөрж таныг зөв замаас гаргаж мэднэ. Ойр дотнын хүмүүстэй харилцахдаа өөрийн сэтгэл санааны илрэлийг хяналгүй, дураараа аашлах хэрэггүй. Өөрийн авьяас чадвараа бусдад ил гаргах боломж олдоно. Эрчүүд бүсгүйчүүдтэй харилцахдаа өөрийн мунхаг зан, гаж үйлдлээ барьж, татгалзах хэрэгтэй. Хэн нэгэнтэй асуудал үүсгэж, маргаан зөрөлдөөнийг шийдэх шаардлага тулгарна. Эцэг эх болон найз нөхөдтэйгөө туйлын болгоомжтой харьцах хэрэгтэйг одод сануулж байна. Сарын дундуур урлаг соёл, шинжлэх ухааныг судлахад таатай бөгөөд энэ салбарынхан амжилт гаргах магадлал өндөр байна. Шинэ эрч хүчээр ажлаа дахин эхлүүлэх боломж ирнэ. Хувийн амьдралд асуудал үүсэж, ойр дотнын хэн нэгэндээ таны зүгээс анхаарал халамж тавих шаардлага гарч магадгүй. Идэвхтэй амрах, ойр дотнын хүмүүстэйгээ тухлан сууж ярилцах, эсвэл гадуур зугаалахад таатай байна. Дотны найзаас тань танд маш таатай боломжийн санал ирнэ. Гэхдээ танд шууд зөвшөөрөх зориг зүрх дутаж магадгүй. Санаандгүй орж ирсэн орлогоос татгалзах хэрэгтэй. Сарын сүүлээр ажлаа өөрчлөх, сайжруулсан нөхцөл байдлыг санал болгосон ч та бодож үзэх хэрэгтэй. Хов живэнд хутгалдах, хэл аманд өртөх магадлал өндөр тул өөрийнхөө ярьж хэлэхээс эхлээд алхаа гишгээндээ хүртэл хяналттай хандахыг зөвлөж байна. Гэр бүлийн харилцаа тийм ч таатай биш байгаа тул харилцаагаа сайжруулах тал дээр дорвитой арга хэмжээ аваарай.

Жинлүүр

Сарын эхээр хамт ажиллагсад эсвэл шинээр ирсэн ажилтанд өмнө нь хэзээ ч байгаагүй шаардлага тавьж бусдын дургүйг хүргэж болзошгүй. Туршигдаагүй зүйлийг дур мэдэн хийснээр та гаргаж болохгүй том алдааг гаргах магадлал өндөр. Та санаанд оромгүй хүний тусламж дэмжлэгийг авч магадгүй. Стратеги төлөвлөгөөгөө богино хугацаагаар гаргаж ямар үр дүнд хүрч болохоо хамт олноороо зөвлөлдөж гарга. Найз нөхөд болон ойр дотнын хүмүүст төвөгтэй асуудлууд тулгарч болзошгүй. Санхүүгийн байдал нэлээд хэмжээгээр дээшилнэ. Ажил хэргийн хамтрагчийн саналд найдах нь дэмий цухалдуулахаас цаашгүй байна. Таны урам зориг, авьяас билэг тань өндөр байж өөртөө төдийгүй бусдын тусын тулд бүхий л талаар тааламжтай, амжилттай байна. Сарын дундуур эд хөрөнгөтэй холбоотой томоохон асуудал гарч магадгүй. Учирч болох гэнэтийн аюул ослоос урьдчилан сэргийлж анхаарал болгоомжтой байхыг зөвлөж байна. Шинэ захиалагч, шинэ сэдэв барьж авна. Энэ нь ялангуяа бүсгүйчүүдийн хувьд илүү амжилттай байна. Амьдралд тохиолдож болох бүхий л зүйлс танаас хамаарна. Амжилт үргэлж араасаа уршиг дагуулж байдгийг мартах хэрэггүй. Хувийн амбиц хөөх, өөрийгөө хэт дөвийлгөх нь энэ үед тохиромжгүй тул хичээл зүтгэл тань талаар болж магадгүй. Сарын сүүлээр хувь тавилан таны бардам, омголон байдлыг тань сорино. Өөрийгөө хамгаалж хүндлүүлэхийн тулд аль болох ухаалаг байхыг зөвлөж байна. Шийдэмгий байж чадвал нөхцөл байдал таныг амжилтад хүргэнэ. Сонирхолтой шинэ танилын харьцаа удаан үргэлжлэхгүй гэдгийг анхаараарай. Өөрийнхөө өмнө маш том зорилго тавьж урагш тэмүүлэхийг зөвлөж байна. Таны хичээл зүтгэл, хөдөлмөрч байдал үр өгөөжөө өгнө.

Хилэнц

Сарын эхээр нийгмийн сүлжээн дэх сайн муу олон зүйлүүдийг шууд амьдралд тусгаж авах хэрэггүй. Таныг хэн нэгний илгээсэн гэнэтийн бэлэг аз жаргалтай болгоно. Эрхэлж буй ажилдаа тогтсон уламжлалыг эвдэн өөрийн шалгарсан арга барилыг хэрэглэн ажиллаж чадвал эрсдэлтэй салбараас ч гэсэн ашиг орлого олж чадахыг од гараг танд амлаж байна. Зарим нэг хүний увайгүй үйлдэл нь таны нийгэмд эзлэх байр суурь, хувийн амьдралд сөргөөр нөлөөлж болзошгүй. Санаачлагатай, шаргуу хөдөлмөрлөх нь таныг гаднаас ирэх сөрөг нөлөөнөөс хамгаална. Бэртэл гэмтэл авч болох эрсдэлтэй зүйлээс үргэлж болгоомжлох хэрэгтэй. Бүр спортоор хичээллэж байсан ч болгоомжтой байхыг зөвлөж байна. Бусдын санаа бодлоор бүхнийг хийх нь өөрийн толгойгүйгээс ялгаагүй болно. Сарын дундуур санхүүгийн байдлаа зөв тодорхойлж хөрөнгө оруулах гэж буй ажилдаа хэр зэрэг мэдрэмж туршлагатай хандахаас цаашдын санхүүгийн амжилт ихээхэн хамаарна. Урьдчилан төлөвлөсөн л биш бол төлөвлөгөөгүйгээр аливаа эрсдэлтэй алхмыг хийхгүй байхыг зөвлөж байна. Санаандгүй урьдын хайртай хүнтэйгээ тааралдаж магадгүй. Энэ нь таныг уйтгар гунигт автуулж, хямрааж болзошгүй. Гэвч таны бусдыг өөртөө соронзон мэт татах чадвар, дур булаам байдал тань өсөн нэмэгдэнэ. Сарын сүүлээр залуусын хувьд гэнэтийн таатай мэдээ дуулах тул сэтгэл санааны бэлтгэлтэй байж аливаад ул суурьтай хандахыг хичээгээрэй. Магадгүй ойрын хүн тань үнэлж боломгүй туслалцаа үзүүлэх бөгөөд таны сэтгэл ханамжтай байх болно.

Нум

Сарын эхээр аливаа санаачилга гаргах, идэвхтэй үйл ажиллагаа өрнүүлэхээс татгалз. Мөн дээд албан тушаалтантайгаа ам муруйх, үл ойлголцолд хүрэх явдал гаргахгүй байхыг зөвлөж байна. Мэргэ төлөг хийлгэх, бөө удганд очих хэрэггүй. Бүхий л оюун ухаан, хүч хөдөлмөр, авьяас чадвараа гарган ажиллах чадвар дүүрэн байна. Тайван тааваараа үргэлжилж байсан ажил төрөл тань танаас гэнэтийн байдлаар хурд хүч, ухаан шаардах болно. Цаг хугацаа таныг маш ихээр дарамталж магадгүй. Бүсгүйчүүдийн хувьд авьяас чадвараа ил гаргаснаар үр дүнг нь хурдан үзнэ. Хайр дурлалын явдал нь нэлээд гуниг, гутралыг авчирч магадгүй. Санхүүгийн томоохон асуудлаас сэргийлэхийн тулд тооцоолоогүй зардлууд мөн ашиггүй худалдан авалтуудаас татгалзах хэрэгтэй. Хамтрагч тань хууран мэхлэлт, араар тань явуулга, нууц ажиллагаа хийх зэрэг нь ил болж таагүй нөхцөл байдал үүсэж мэднэ. Зөв шийдвэр гаргах чадвар, ухаалаг шийдэл, хариу үйлдэл үзүүлэх хурд зэрэг нь өөрийн санхүүгийн байдлыг сайжруулах нөхцөл болно. Сарын дундуур гадаад үзэмж, харагдах байдалдаа анхаарал тавьж шинэ загварын хувцас худалдан авч, дүр төрхөө өөрчил. Энэ нь танд сэтгэл ханамж авчирч сэтгэл татам харагдуулах болно. Санхүүгийн байдал тань гаднын хүчин зүйлээс шалтгаалан хүнд байдалд орж магадгүй. Адал явдал болон гүжир гүтгэлэгтэй учирч магадгүй. Өөдрөг үзэл, шаргуу зан тань эерэг үзүүлэлтүүдийг авчирна. Урт хугацааны төсөл төлөвлөгөө гаргах хэрэггүй. Сэтгэлийн хөдлөлийг хяналтдаа байлгаж, хэн нэгний хүсэлт гуйлтыг биелүүлэхээс татгалзах хэрэггүй. Сарын сүүлээр ажил хэрэгч байж ашигтай саналд анхаарлаа хандуулах хэрэгтэй. Өөрт тус дэм болж болох ойр дотнын хүмүүсийн авьяас, ур ухааныг дорвитой ашиглаж үнэлж дүгнэ. Ингэх нь аль аль талдаа үр өгөөжтэй байхаас гадна гарах үр дүн нь хамтдаа хүртэх таатай боломж бүрдэнэ.

Матар

Сарын эхэнд ачаалал ихтэй байх ба эцэслэн шийдвэрлэгдээгүй гэрээ хэлэлцээр, уулзалт яриа гээд цаг зав гарахгүй байх болно. Амьдралаа өөрчилж болохуйц чухал шийдвэрийг ганцаар гаргах хэрэггүй. Санхүүтэй холбоотой асуудлууд болон санхүүгийн байгууллагатай харьцвал ажил хэрэг амжилттай болно. Шинэ хайр сэтгэлтэй учирч магадгүй. Амьдралын баяр баясгалан бусад зүйлтэй сүлэлдэн цаг хугацаа өнгөрөхийн хэрээр тэцвэрт байдлаа олж чадна. Ганцаардмал, дуугүй байдлаасаа ангижирч ойр дотнын хүмүүстэй өөрт тулгамдсан асуудлаа хуваалцах нь таны дотоод сэтгэлийг хөнгөвчилж өгнө. Эргэлзээтэй асуудал, шийдвэрлэгдээгүй зүйлээс аливааг зөв зүйтэй ойлгох, оновчтой тооцоо болон зорилго чиглэлтэй байдал ургана. Өөрийн бодол санаагаа цэгцэлж дотоод сэтгэлээ сонс. Мэдрэмждээ итгэж найдахад алдах юмгүй. Сарын дундуур мэргэжлийн үйл ажиллагааны хүрээнд уналт явагдана. Таны толгойд орж ирсэн бодол болон төлөвлөгөө нь хүссэн амжилтыг авчрахгүй. Амьдралаас эрх чөлөө, аз жаргалыг мэдрэх болно. Тохиолдлын танил тань удаан хугацааны нийлэмжтэй харьцааг бий болгож чадна. Мэдээж та өөрийнхөө тухай олон сайн үгийг сонсох болно. Санхүүгийн байдал тань санасан ёсоор дээшилж та хамгийн мундаг хүн болсон мэт мэдрэмжийг авна. Таны ажиллах чадвар олон хүний атаархлыг төрүүлнэ. Материаллаг байдлын хувьд түр зуурын хүндрэл үүсэх ба амьдралын түвшин буурах хандлагатай байна. Сарын сүүлээр бүсгүйчүүдийг романтик уулзалт хүлээж байна. Та ойрын үед үзээгүй сайхан орчин, гэнэтийн бэлэг хүлээж авах болно. Өөрийн авьяас чадвартаа итгэлтэй байж цааш нь улам хөгжүүлэн үргэлжлүүлсээр байх хэрэгтэй. Хэдий чинээ шантралгүй оролдоно төдий чинээ гайхалтай үр дүнд хүрнэ. Өөрийнхөө болон ойр дотнын хүмүүсийнхээ халдашгүй эрхийг хамгаалах хэрэг тулгарна. Нийгмийн замбараагүй харилцаанаас болж тэд хохирч мэдэхээр байна.

Хумх

Сарын эхээр санхүүгийн дэмжлэг хүссэн хүсэлт тань биелэх болно. Нөлөө бүхий хүмүүс эсвэл хамаатнуудаасаа дэмжлэг авна. Бодлогогүй үйлдэл хийх хэрэггүй бөгөөд ямар нэгэн зүйлийг эцэслэсэн шийдвэр гарга. Шинжлэх ухаан одон орон судлал зэргийг сонирхон судлах, хоббигоо болгож ажиллах нь таатай мэдрэмжийг төрүүлэх болно. Гэрээ хэлэлцээр байгуулж, найр хурим хийж, аялал жуулчлалд явахаас зайлсхий. Бусдын өмнөөс шийдвэр гаргаж амьдралд нь нөлөөлж болохуйц чухал шийдвэрийг тэднээс асуулгүйгээр гаргаж болохгүй. Өөрийн дуртай зүйлээ хийх цаг зав гарахгүй байсан бол түүнийгээ амжуулах цаг мөчийг бий болго. Сарын дундуур бүсгүйчүүдийн хувьд бүхний анхаарлын төвд байх гэж хичээх мөн өөрийгөө бусдаас дээгүүрт тавьж биеэ тоох байдал давамгайлна. Танд бусдын тусын тулд эсвэл зайлшгүй хийх шаардлагатай хоёр төрлийн ажлын дунд сонголт хийх шаардлага тулгарна. Та өөрийн дотоод мэдрэмждээ, өөрийнхөө сэтгэл зүрх хаашаа тэмүүлнэ түүнийг л барьж авч цаг алдалгүй урагшлахыг зөвлөж байна. Хайр дурлал, сэтгэлт хүндээ бүхнээ зориул. Хайртай хүнд тань энэ бүхэн маш их тааламжтай байж та зохих шагналыг хүртэх болно. Сарын сүүлээр санхүүгийн чадвар нэлээд муудна. Тайлан тооцоонд тань алдаа гарах, мэдээллээ буруу дүгнэх, гэнэтийн зардал гаргах зэрэг нь ажил мэргэжлийн хүрээнд ноцтой асуудлууд үүсэхэд хүргэж болзошгүй. Шинээр эхэлсэн ажил амжилтгүй болж, үр дүн нь бүр доод түвшинд байх болно. Санхүүгийн хүндрэлээ арилгахын тулд дахин өр зээл тавьж хямралаас гарна гэж бодохын ч хэрэггүй. Өөрийн хүчээр арга сүвэгчилж, ухаанаа уралдуулан хүндрэлийг даван гарахыг хичээгээрэй. Таны зохион байгуулах чадвар дээгүүр байсан ч бусдын зүгээс үнэлэлт авч чадахгүй.

Загас

Сарын эхээр сэтгэл хөдлөлдөө баригдаж хэлсэн үг, хийсэн үйлдэл тань таны бусадтай маргаан зөрчилдөөнд оруулж, ихээхэн шуугиан дэгдээхэд хүргэнэ. Од гарагийн тааламжгүй нөлөөллийн улмаас янз бүрийн алдагдалд орж болзошгүй. Иймээс санхүүгийн тал дээр анхаарал болгоомжтой хандахыг зөвлөж байна. Шинэ содон зүйлийг туршиж үзэх гэж зүтгэх хэрэггүй. Урт удаан үргэлжилж болох нөхөрлөлийн холбоог бий болгож магадгүй. Ажил хэргийн халуун дулаан яриа нь амьдралын бат бөх замд хөтлөх болно. Томилолтоор явах, шинэ мэдээ мэдээллийн эрэлд гарах нь таны хувьд ховор олдох аз завшаан байж мэдэх юм. Үл хөдлөх хөрөнгө зуучлах, худалдаа наймааны ажилд бүсгүйчүүд илүү их чадварыг харуулах болно. Хувийн амьдралд ямар нэгэн асуудал тулгарч болзошгүй. Магадгүй санхүүгийн саад бэрхшээл ч гарч магадгүй. Сарын дундуур хэн нэгний орыг залгах, ажлыг үргэлжлүүлэх явдал гарч мэднэ. Таны итгэл даадаг, үнэнч шударга занг тань хөндлөнгийн хүмүүс үнэлж таны чадварыг ашиглахыг хүснэ. Томоохон ашиг авчирч болох худалдаа наймаанд анхаарлаа, хүч хөдөлмөрөө зориулах ч ажлаа гүйцэтгээд дуусах хүртлээ анхаарлаа цалгардуулах хэрэггүй. Хайр дурлалын гурвалжингаас гарах хэцүү байх боловч энэ нь зөвхөн таны эрс шийдэмгий зан өөрийгөө ялан дийлэх байдлаас ихээхэн шалтгаална. Хайр дурлалаа бүхнээс илүү үздэг таны хувьд түүнийг гомдоох, сэтгэлийг сэвтүүлэх зүйл гаргахгүй байхыг туйлаас хүснэ. Сарын сүүлээр өр зээл тавих, хуучин авлага өглөгөө тэглэх асуудлыг амжуулаарай. Нөхцөл байдлын гэнэтийн бүрдэл нь хувийн амьдралд тань таагүйгээр тусах болно. Гэвч бүсгүйчүүдийг болзоо, таатай үдэш хүлээж байна. Мэргэжлийн үйл ажиллагааны хүрээнд албан тушаал ахих ба бүтээлч чадвар мөн эргэцүүлэн бодох чадвар тань өргөн боломж үүд хаалгыг нээх болно. Мөнгө төгрөгийг хий дэмий үрж цацах нь таныг болон гэр бүлийг тань санхүүгийн асуудалд унагаж болзошгүй.


 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.