”Б.Содномдаржаа, Т.Чимгээ хоёрыг яаралтай суллах ёстой”

2020/07/27
Share |
Хүмүүс:
”Б.Содномдаржаа, Т.Чимгээ хоёрыг яаралтай суллах ёстой”

Хууль зүй, дотоод хэргийн сайд асан Ц.Нямдорж “Зоригийн хэрэг”-ийг “Яргын хэрэг” хэмээн нэрлэж, Б.Содномдаржаа, Т.Чимгээ нарыг суллагдах ёстой гэж мэдэгдэж байсан. Тэгвэл өнгөрсөн долоо хоногт Тагнуулын ерөнхий газрын дарга асан Б.Хурц нарын хүмүүс Б.Содномдаржаа Т.Чимгээг эрүүдэн шүүсэн гэм буруутай нь тогтоогдож шүүхээс ял сонслоо. Энэ үйл явдалтай холбогдуулан Хууль зүй, дотоод хэргийн сайд асан Ц.Нямдоржтой товчхон ярилцлаа. 


-Зоригийн хэргээр ял сонссон Б.Содномдаржаа, Т.Чимгээ нарыг эрүүдэн шүүсэн нь үнэн гэж шүүх үзэж холбогдох хүмүүст ял оноолоо. Энэ асуудал Б.Хурц нарт ял оноосноор дуусахгүй байх тийм үү?


-Анхнаасаа наадах чинь зохиомол хуурамч хэрэг хүлээлгэсэн гэдэг нь дэндүү тодорхой байсан. Би 2016 оны гуравдугаар сард наад хэрэг чинь худлаа явж байна, юмаа сайн хянаж үзээч гэж тагнуул, Ерөнхий прокурорт бичиг өгч байсан. Нам ялсны дараа 2016 оны есдүгээр сараас би наад асуудлын чинь талаар нарийн ширийн юмыг ярьж эхэлсэн. Тэр үед л наадах чинь худлаа гэдэг нь мэдэгдэж байсан эд шдээ. Ц.Элбэгдорж Ерөнхийлөгчөөр ажиллаж байх үед, 2017 онд Ерөнхий шүүгч, Ерөнхий прокурор, Тагнуулын дарга, Хууль зүйн сайд дөрөвт би захидал бичсэн юм. “Энэ бүхэн чинь худлаа та нар эзнийхээ даалгавраар гэмгүй хүмүүсийг хэлмэгдүүлж байна. Эзэн чинь явахаар та нар хүний нүүр яаж харж, амьдрах юм бэ” гэж захидал бичиж байсан. Ямар ч байсан ялыг яллаа гэх нь хаашаа юм. Хэцүү ч гэсэн үнэн ялдаг гэдгийг л харуулж байна. 

 

Энэ үнэнийг зугтаалгахын тулд надад асар их саад учруулсан, шахалт дарамт үзүүлсэн, мөрдөж мөшгөсөн зөндөө л юм болсон. Нарийндаа бол наад хэргээс чинь болж би хуулийн байгууллагын бүх даргыг толгой дараалан солиулсан. Заримыг нь дарлаж байгаад сольсон байх аа. Ямар ч байсан үнэнд гүйцэгдэж байна. Уг нь Б.Содномдаржаа Т.Чимгээ хоёрыг аль хэдийнээ суллачих ёстой. Энэ хоёр хүний асуудлыг 2016 онд хөөцөлдөж эхэлснээс хойш дөрвөн жилийн нүүр үзэж байна.

 

-Одоо Б.Содномдаржаа, Т.Чимгээ нарыг ямар процессоор суллах вэ?


-Одоо бол шинэ учир байдал гэдгээр прокурор Дээд шүүхэд эсэргүүцэл бичих ёстой юм. Тэгээд Дээд шүүх эрүүдэн шүүж, хэлсээр шийтгэсэн байна гэж өмнөх шийдвэрийг бүгдийг нь хүчингүй болгох ёстой юм. Б.Содномдаржаа, Т.Чимгээ хоёрын тухайд шүү. Ц.Амгаланбаатарын тухайд ч Зоригийг алсан гэдэг тэр холбогдох хэсгийг хүчингүй болгох ёстой юм. 

 

Наад хоёр хүнийг чинь яаралтай суллаж өгөх ёстой юм. Яагаад суллахгүй байна вэ гэхээр Давж заалдах шатны шүүх хурлыг даргалсан шүүгч нь Дээд шүүхийн шүүгч болчихсон. Дээд шүүхэд наад хэргийг чинь нэгтгэсэн шүүгч нь Эрүүгийн танхимын тэргүүн шүүгчийн албан тушаалд оччихсон байгаа. Ийм ийм шалтгаан байгаа учраас энэ асуудлыг шийдэхэд наад хүмүүс чинь асар их садаа болж бараг дөрвөн жилийн дараа арай гэж нэг юм шийдэж эхэллээ. Наана чинь илтэд шударга бус юм харагдаж байгаа шүү. Ямар ч гэмт хэрэг хийгээгүй хүмүүсийг бүх насаар нь хорих ялаар шийтгэчихсэн байхад ийм гэм зэмд унагасан хүмүүс гуравхан жилийн ялтай өнгөрч байна гэдэг бол хангалтгүй байгаа юм. Энэ шударга явдал мөн үү, биш үү.

 

-Б.Хурц нарын ялыг дараагийн шатны шүүхээр хөнгөвчлөх болов уу. Та юу гэж харж байна вэ?


-Тэрийг мэдэхгүй. Арай үгүй байлгүй. Одоо шүүхэд нэг жаахан салхи орох юм уу, үгүй юу гэдгийг энэ хэрэг дээр харна шдээ. Энэ бол 1937 оноос хойш Монголын түүхэнд гарч байгаагүй хэрэг шүү. Хуулийн бүх байгууллагын дарга нар оролцсон ийм яргын асуудал түүхэнд байгаагүй.

 

-Сая шүүхээр дэнслүүлсэн Б.Хурц нараас өөр хэн энэ хэрэгт шууд бусаар холбогдох вэ?


-Нарийндаа бол наадахыг чинь ингэж удирдсан хүн нь Ц.Элбэгдорж шдээ. Зориудаар хуурамч гэрч гаргаж ирж худлаа хэлүүлсэн хүн ч байгаа шдээ. Дахиад ч олон хүн энэ хэрэгт хариуцлага хүлээх ёстой шүү. Одоо наад хэргийг чинь будлиантуулсан прокурор, шүүсэн шүүгч нарыг шалгаж, хариуцлага тооцох ёстой.

 


Танд манай нийтлэл таалагдаж байвал LIKE дараарай!
Сэтгэгдэл
Oil Said bhdaa sullahgui yagaavee.pop uvgun
IP:31.10.164.215  2020-07-27 22:39:33
Mongol Pop uvgund mongolchuud hairtai. Eruul enh, ajliin amjilt husye!
IP:109.41.3.227  2020-07-28 10:08:30
хулан Худ гар....чи сайд байхдаа суллах нь яасан юм ....чамд эрх мэдэл нь байсан ш дэ балай өвгөн
IP:115.187.88.2  2020-07-28 17:11:56
asdad Bitgii huts umhii Durvud
IP:43.228.131.110  2020-08-01 13:09:15
Их мөнгө идснийхээ дараа ”Тэнэг болоод” юу ч мэдэхээ болиод, өөр хүнд ажлаа өгөх нь зөв Улс төрчид хэт их мөнгө идсэн тул, хүүхдүүд нь гарах эрхгүй, идсэн мөнгөө чирээд гадаадад гарах нь зүйтэй. Энэ үед ээж, аав нь боловсролгүй, хүүхдүүдийг нь МУИС, ТИС, Анагаах, ХААИС аваагүй нь мэдэгдсэн тул, гадаадад сурах бүтэлгүйтсэн нь ойлгомжтой, хэл ойлгохгүй учраас угаасаа шал худлаа. Тэгээд тэдний хүүхдүүдийн үед ач нарын үед дахиад болохгүй яагаад гэхээр, гадаадад байсаар байгаад, монгол хэл мэдэхгүй, монголын сургуульд сураагүй, юмны үнэ мэдэхгүй, ард түмний амьдрал ойлгохгүй. улс төрчн
IP:66.181.185.154  2020-08-01 13:32:57
Их мөнгө идснийхээ дараа ”Тэнэг болоод” юу ч мэдэхээ болиод, өөр хүнд ажлаа өгөх нь зөв Улс төрч болсон хүн их мөнгө идсний дараа юу ч мэдэхээ болиод, чимээгүй болоод, телевизээр гарахаа болиод, өөр хүнд ажлаа өгөөд больсон нь дээр.
IP:66.181.185.154  2020-08-01 13:34:25
зочин 2 гэмгүй хүний төлөө чадах ядахаараа зүтгэсэн танд иргэн хүний хувьд талархаж байгаагаа илэрхийлэе! үнэн ялдаг гэдгийг харуулахад таны тэр зүтгэл их нөлөө үзүүлсэн гэж жирийн иргэн хүний хувьд итгэж байна.
IP:202.126.89.193  2020-08-02 19:08:03
Меке шоронд байж байгаад, их сургуульд орж чадаагүй. Меке 4-р анги төгссөн. Шоронд байж байгаад их сургуульд орж чадаагүй. Сүүлд гарч ирээд, их сургуульд орох гэсэн 38 нас хэтэрсэн гээд авахүй болохоор, багшаар ороод төгсөж чадаагүй. Насан туршын МУИС-ийн тооны ягчис болсон.
IP:192.82.71.191  2020-08-04 15:50:24
Меке шоронд байж байгаад, их сургуульд орж чадаагүй. Меке 4-р анги төгссөн. Шоронд байж байгаад их сургуульд орж чадаагүй. Сүүлд гарч ирээд, их сургуульд орох гэсэн 38 нас хэтэрсэн гээд авахүй болохоор, багшаар ороод төгсөж чадаагүй. Насан туршын МУИС-ийн тооны ягчис болсон.
IP:192.82.71.191  2020-08-04 15:50:29
Меке шоронд байж байгаад, их сургуульд орж чадаагүй. Меке 4-р анги төгссөн. Шоронд байж байгаад их сургуульд орж чадаагүй. Сүүлд гарч ирээд, их сургуульд орох гэсэн 38 нас хэтэрсэн гээд авахүй болохоор, багшаар ороод төгсөж чадаагүй. Насан туршын МУИС-ийн тооны ягчис болсон.
IP:192.82.71.191  2020-08-04 15:50:34
Меке шоронд байж байгаад, их сургуульд орж чадаагүй. Меке 4-р анги төгссөн. Шоронд байж байгаад их сургуульд орж чадаагүй. Сүүлд гарч ирээд, их сургуульд орох гэсэн 38 нас хэтэрсэн гээд авахүй болохоор, багшаар ороод төгсөж чадаагүй. Насан туршын МУИС-ийн тооны ягчис болсон.
IP:192.82.71.191  2020-08-04 15:50:39
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.