“Хилийн өнгө” гэрэл зургийн үзэсгэлэн нээгдлээ

2020/10/21
Share |
Хүмүүс:
“Хилийн өнгө” гэрэл зургийн үзэсгэлэн нээгдлээ

Орос-Монгол хоёр орны найрамдалт харилцааны түүх, дурсгалыг сэргээж, үнэ цэнийг эргэн сануулж байдаг найрамдлын өдрүүд 60 дахь жилдээ Монгол Улсад өрнөх гэж байна.

Россотрудничество агентлагийн Монгол Улс дахь төлөөлөгчийн газар ХХЕГ хооронд тогтоосон найрсаг харилцааны илэрхийлэл болсон нэгэн сайхан арга хэмжээ өнөөдөр /2020.10.21/ ОШУСТ-д зохион байгуулагдлаа. Тодруулбал, Монголын хилчдийн хэвлэл Цэргийн Гавьяаны одонт “Эх орны манаа” сонины 80 жилийн ой энэ онд тохиож байгаа бөгөөд түүхт ойн хүрээнд Монгол Улсын Хил Хамгаалах Ерөнхий Газраас “Хилийн өнгө” нэртэй гэрэл зургийн үзэсгэлэнг ОШУСТ-д энэ сарын 21-22-ны өдрүүдэд дэлгэж байна.


Монгол Улсын ХХЕГ-ын Олон нийттэй харилцах албаны гэрэл зурагчин, ахлах дэслэгч Л.Номингэрэлийн уран бүтээл болох орчин цагийн Хил хамгаалах байгууллагын хөгжил, хилчдийн албаны онцлогийг харуулсан нийт 60 гэрэл зургийг толилуулах үзэсгэлэнгийн нээлтийн ёслолд Монгол Улсын ХХЕГ-ын Захиргааны удирдлага эрхэлсэн дэд дарга, хошууч генерал Шархүүгийн Лхачинжав, ОХУ-аас Монгол Улсад суугаа ЭСЯ-ны зөвлөх, Россотрудничество агентлагийн Монгол Улс дахь төлөөлөгчийн газрын дарга, ОШУСТ-ийн захирал Базархандаев Амгалан, Монголын гэрэл зурагчдын нэгдсэн холбооны Ерөнхийлөгч Ц.Батбаатар, МГЗНХ-ны УЗ-ийн дарга П.Баттулга нар хүрэлцэн ирж тууз хайчиллаа.

Түүхт 80 жилийн ойд гэрэл зургийн үзэсгэлэнгээ гаргаж буй гэрэл зурагчин Л.Номингэрэл нь 2015 онд “Бүсгүй мэлмий” хамтарсан үзэсгэлэн, "Би хилчин" бие даасан үзэсгэлэн, 2016 онд Япон улсад хамтарсан үзэсгэлэн дэглэн гаргаж байсан бүсгүй юм.



Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.