У.Уранчимэгийн шинэ хувьсал айсуй

40 насны босгыг хол шүргэж яваа МУГЖ У.Уранчимэг шинэ хувьсал хийхээр зэхэж, хэдэн сарыг ардаа үджээ. Монголын кино урлагт өөрсдийн гэсэн ноёрхлоо тогтоогоод амжсан "Хувьсал” продакшн ээлжит уран бүтээлийнхээ ажилд өнгөрсөн оноос эхлэн шамдан орсон.

"Тэнгэрээс буусан од" киноноос хойш дэлгэцийн бүтээл туурвиагүй яваа тэд энэ удаад гадаадад сурч, мэргэжлээ дээшлүүлсэн жүжигчин О.Дөлгөөн, уран бүтээлийн ажлаасаа хөндийрөөд нэлээд удсан Б.Баярмаа нарыг онилж, шинэхэн бүтээлийнхээ гол чимэг болгожээ.

Мисс биш ч бие галбиртаа гойд анхаардаг Урнаа 40 гарчихаад нүцгэн биеэ дэлгэцэнд мөнхөлж, залуу охидын шүлс гоожуулж, үеийн хүүхнүүдийн атаархал төрүүлсээр л нас сүүдэр дарж яваа ч Урнаа шиг 20 насны гоо үзэсгэлэнгээ барьсаар буй жүжигчид ховор биз ээ. Сайхан, гоолиг, чадварлаг, хөөрхөн гэх бүхний төгс тодотгол нь болсон түүнийг давж, илүүрхэх эмэгтэй жүжигчид байна уу даа.